മൂന്ന് വര്ഷം പൂര്ത്തിയാക്കിയ തമിഴക വെട്രി കഴകം ജനകീയ രാഷ്ട്രീയത്തിന്റെ ശക്തമായ സാന്നിധ്യമായി മാറിക്കൊണ്ടിരിക്കുകയാണെന്ന് പാര്ട്ടി അധ്യക്ഷന് വിജയ് പറഞ്ഞു. ജനങ്ങളുടെ വിശ്വാസവും പിന്തുണയുമാണ് ടിവികെയുടെ യഥാര്ഥ ശക്തിയെന്നും, സാമൂഹ്യനീതിയും സുതാര്യ ഭരണവും ലക്ഷ്യമാക്കി ഐക്യത്തോടെ മുന്നോട്ട് പോരാടുമെന്നും അദ്ദേഹം വ്യക്തമാക്കി. തുടക്കത്തില് തന്നെ യുവജനങ്ങളെയും സാധാരണക്കാരെയും ആകര്ഷിക്കാന് പാര്ട്ടിക്ക് കഴിഞ്ഞുവെന്നും, ജനകീയ പ്രശ്നങ്ങളില് ശക്തമായ നിലപാട് സ്വീകരിച്ചാണ് മുന്നേറ്റമെന്നും വിജയ് ചൂണ്ടിക്കാട്ടി. രാഷ്ട്രീയത്തില് പുതിയ സംസ്കാരം കൊണ്ടുവരുക എന്നതാണ് ടിവികെയുടെ ലക്ഷ്യമെന്നും, അധികാരത്തിനായി മാത്രമല്ല, മാറ്റത്തിനായുള്ള പോരാട്ടമാണ് പാര്ട്ടി നടത്തുന്നതെന്നും അദ്ദേഹം പറഞ്ഞു. വരാനിരിക്കുന്ന തെരഞ്ഞെടുപ്പുകള് ലക്ഷ്യമിട്ട് സംഘടനാപരമായി കൂടുതല് ശക്തിപ്പെടുമെന്നും വിജയ് കൂട്ടിച്ചേര്ത്തു.
