കുംഭലഗ്നക്കാരുടെ പൊതുവായ ഗ്രഹസ്ഥിതി
കുംഭലഗ്നത്തിൽ ജനിച്ചവർക്ക് ഈ ഒരു വർഷക്കാലം വ്യാഴത്തിന്റെ രാശിമാറ്റം ഏതു തരത്തിലാണ് സ്വാധീനിക്കുന്നത് എന്ന് നമുക്ക് മനസ്സിലാക്കാം. കുംഭലഗ്നത്തിന്റെ ലഗ്നാധിപൻ ശനിയാണ്. ശനി പന്ത്രണ്ടാം ഭാവാധിപൻ കൂടിയാണ്. ശനി രണ്ടിൽ കൂടി സഞ്ചരിക്കുന്ന സമയമാണിത്.
സമ്പൂർണ്ണ വീഡിയോ കാണാൻ താഴെ ക്ലിക്ക് ചെയ്യുക:
വിദ്യാഭ്യാസവും ഗവേഷണവും
കുംഭലഗ്നത്തിൽ ജനിച്ചവർക്ക് വിദ്യാഭ്യാസപരമായിട്ടുള്ള യോഗം നല്ലതുപോലെ കിട്ടാൻ സാധ്യതയുണ്ട്.
-
അനുകൂല മേഖലകൾ: വൈദ്യമേഖല, നിയമമേഖല അങ്ങനെയുള്ള മേഖലകളിൽ നിൽക്കുന്നവർക്കും, റിസർച്ച് മെത്തേഡുകളുമായി ബന്ധപ്പെട്ട് ഗവേഷണ മേഖലകളിൽ പ്രവർത്തിക്കുന്നവർക്കും ഒക്കെ വളരെ അനുകൂലമായിട്ടുള്ള സമയം തന്നെയാണ്.
-
വിദ്യാഭ്യാസപരമായി ദോഷങ്ങൾ ഒന്നും തന്നെ ഈ കാലയളവിൽ കാണുന്നില്ല.
വ്യാഴമാറ്റവും ആറാം ഭാവവും
വ്യാഴം രാശിമാറി കർക്കടകത്തിൽ വരുമ്പോൾ ഈ ലഗ്നക്കാർക്ക് ആറാമത്തെ ഭാവത്തിലാണ് വരുന്നത്. ആറാം ഭാവത്തിൽ വ്യാഴം വന്നാലും നമുക്ക് അതിനെ ഒരു ദോഷമായിട്ട് പൂർണ്ണമായും പുച്ഛിച്ചു തള്ളാൻ പറ്റുന്ന ഒരു ഭാവമല്ല.
കാരണം, ആറ് എന്ന് പറയുന്നത് ഉപചയ രാശി എന്ന് പറയുന്ന ഒരു പ്ലസ് പോയിന്റ് കൂടി ഇവിടെ നൽകുന്നുണ്ട്. കൂടാതെ സർവീസ് മേഖലയുടെ ഒരു ഗുണവും കൂടി നമുക്ക് ഇവിടെ ചിന്തിക്കാവുന്നതാണ്.
തൊഴിൽ, പ്രൊമോഷൻ, പരീക്ഷകൾ
കർമ്മമേഖലയിൽ ഭയങ്കര പുഷ്ടി ഇവർക്ക് ഉണ്ടാകാം.
-
പ്രൊമോഷൻ കിട്ടാനും സ്ഥാനക്കയറ്റം ലഭിക്കാനും സാധ്യതയുണ്ട്.
-
കോംപറ്റീറ്റീവ് എക്സാമിനേഷൻ (മത്സരപരീക്ഷകൾ) എഴുതി റിസൾട്ട് വെയ്റ്റ് ചെയ്യുന്നവർക്ക് ഒരു പോസ്റ്റിങ്ങിനുള്ള സാഹചര്യം ഉണ്ടാകാം.
-
അന്യദേശത്ത് പോയി പഠിക്കാനോ, അന്യദേശത്ത് പോയി ജോലി ചെയ്യാനോ താമസിക്കാനോ തീരുമാനിക്കുന്നവർക്ക് അനുകൂലമായിട്ടുള്ള സമയമാണ്.
പി.എസ്.സി vs യു.പി.എസ്.സി പരീക്ഷകൾ
കേരളത്തിലെ കുട്ടികൾക്ക് പ്രധാനമായിട്ടും യു.പി.എസ്.സി (UPSC), സ്റ്റാഫ് സെലക്ഷൻ (SSC) എന്നിവയ്ക്ക് പ്രിഫറൻസ് കൊടുക്കുന്നതായിരിക്കും നല്ലത്. കാരണം പി.എസ്.സി പോസ്റ്റിങ് ഒക്കെ വളരെ ബുദ്ധിമുട്ട് അനുഭവപ്പെടുന്ന സാഹചര്യങ്ങൾ നിലവിലുണ്ട്.
നമ്മുടെ ജാതകത്തിന്റെ അനുഭവം സാഹചര്യങ്ങളിൽ കിടന്ന് മറിഞ്ഞുപോകുന്ന ഒരു അവസ്ഥ കണ്ടുവരുന്നു. സാഹചര്യം ഇവിടെ വളരെ പ്രതികൂലമായിട്ടുള്ള സാഹചര്യമാണ് ഇവിടുത്തെ പോസ്റ്റിങ്ങിന് എന്നുള്ളതുകൊണ്ട്, യു.പി.എസ്.സി, സ്റ്റാഫ് സെലക്ഷൻ എന്നിവയ്ക്ക് കൂടി പ്രിഫറൻസ് നൽകുക എന്നുള്ളതാണ് ഈ ലഗ്നക്കാർക്ക് പ്രത്യേകമായി പറയാനുള്ളത്.
കാരണം ജോലിക്ക് വളരെ സാധ്യതയുള്ള ഒരു സമയമാണിത്. കർമ്മമേഖലയുടെ ത്രികോണത്തിൽ (കർമ്മത്തിന്റെ ത്രികോണത്തിൽ) കൂടി വ്യാഴം സഞ്ചരിക്കുന്ന ഒരു സമയമാണിത്.
ചൊവ്വയുടെ രാശിമാറ്റവും കർമ്മരംഗവും
ചൊവ്വ കർമ്മാധിപനാണ്. കർമ്മാധിപനായ ചൊവ്വ സെപ്റ്റംബർ 20 ആകുമ്പോഴേക്കും കർക്കടകം രാശിയിലേക്ക് മാറുന്നുണ്ട്. ആ കാലഘട്ടവും കർമ്മാധിപനായ ചൊവ്വ കർമ്മത്തിന്റെ ത്രികോണത്തിൽ വരുന്ന സമയമാണ്. കർമ്മസംബന്ധമായ അനുകൂല അവസ്ഥ അനുഭവത്തിൽ വരേണ്ട സമയമാണ്.
ശ്രദ്ധിക്കേണ്ട കാര്യം: ഈ കാലഘട്ടത്തിലും നമുക്ക് ശരിക്കും വരുന്ന അനുഭവങ്ങൾ എന്തെന്നാൽ, നമ്മുടെ സാഹചര്യങ്ങൾ മോശമായിരിക്കുമ്പോൾ പോസ്റ്റിങ് നടക്കാതെ വരുമ്പോൾ, ജാതകത്തിൽ ഗോചരത്തിൽ അനുഭവസ്ഥിതി ഉള്ളപ്പോഴും പോസ്റ്റിങ് വരാത്തത് നമ്മുടെ സിറ്റുവേഷൻ കൂടി കണക്കാക്കേണ്ടി വരുന്നത് കൊണ്ടാണ്.
അതുകൊണ്ട് യു.പി.എസ്.സി, സ്റ്റാഫ് സെലക്ഷൻ എന്നിവ കൂടി എഴുതാൻ ശ്രമിക്കുക, നിങ്ങൾക്ക് അനുകൂലമായിട്ടുള്ള പോസ്റ്റിങ്ങിന്റെ സാഹചര്യം ഉണ്ടാകും.
വിവിധ പ്രൊഫഷനുകളിലുള്ളവർക്കുള്ള ഫലം
ഗവേഷണ വിദ്യാർത്ഥികൾ, സർജിക്കൽ മേഖലയുമായി നിൽക്കുന്നവർ, ആയുധങ്ങൾ കൈകാര്യം ചെയ്യുന്നവർ, എൻജിനീയറിങ് മേഖലയിൽ നിൽക്കുന്നവർ, എൻജിനീയറിങ് വിദ്യാഭ്യാസം പൂർത്തീകരിച്ച് ഇറങ്ങിയവർ എന്നിവർക്കൊക്കെ അനുകൂലമായിട്ടുള്ള സാഹചര്യമാണ് വരുന്നത്.
വൈദ്യമേഖലയുമായി ബന്ധമുള്ളവർക്കും, നിയമമേഖലയുമായി ബന്ധമുള്ളവർക്കും, റിസർച്ച് മേഖലയുമായി ബന്ധപ്പെട്ട് നിൽക്കുന്നവർക്കും, സിവിൽ സർവീസ് മേഖലയിൽ ബന്ധം വരുന്നവർക്കും ഒക്കെ ഏറ്റവും നല്ല സമയമാണ്.
കാരണം സർവീസ് മേഖലയിൽ കൂടിയാണ് വ്യാഴം സഞ്ചരിക്കുന്നത്. കർമ്മമേഖലയുടെ ത്രികോണത്തിൽ കൂടി വ്യാഴം സഞ്ചരിക്കുന്നു എന്നുള്ളതും ശ്രദ്ധിക്കേണ്ട ഒരു കാര്യമാണ്.
വിവാഹവും പങ്കാളിത്തവും
വിവാഹത്തിനുവേണ്ടി തയ്യാറെടുക്കുന്നവർക്കും വലിയ ദോഷമില്ലാത്ത സമയം തന്നെയാണ്.
-
ലഗ്നാധിപനായ സൂര്യൻ ചിങ്ങമാസത്തിൽ ലഗ്നത്തിൽ ഒക്കെ വളരെ അനുകൂലമായി ഏഴിൽ കൂടി സഞ്ചരിക്കുന്നു. ആ ഒരു കാലഘട്ടം അനുകൂലമായിരിക്കും.
-
എന്നാൽ കർക്കടക മാസം, കന്നി മാസം, മകര മാസം അത്ര നല്ലതായിരിക്കുകയില്ല. ഈ മാസങ്ങളിൽ സൂര്യൻ ആറിൽ കൂടിയും, അഷ്ടമത്തിൽ കൂടിയും, പന്ത്രണ്ടിൽ കൂടിയും സഞ്ചരിക്കുന്ന ഒരു സമയമാണ്. ആ മാസങ്ങളിൽ മാത്രം സൂര്യൻ സഞ്ചരിക്കുന്നത് അനിഷ്ട സ്ഥിതിയിൽ ആയതുകൊണ്ട് വിവാഹസംബന്ധമായ കാര്യത്തിന് കുറച്ചു ബുദ്ധിമുട്ടുകൾ ഉണ്ടായേക്കാം.
കുജന്റെ (ചൊവ്വ) സ്വാധീനം
കുജൻ രാശി പകർന്ന് ഏഴിലേക്ക് വരുന്ന ഒരു കാലഘട്ടവും കൂടി വരുന്നു. ആ സമയത്തും അല്പം ബുദ്ധിമുട്ടുകൾ, പങ്കാളി വഴിയുള്ള കാര്യങ്ങൾക്ക് ബുദ്ധിമുട്ട് എന്നിവ ഉണ്ടാകാം.
അതുപോലെ കൂട്ടുകച്ചവടമോ പങ്കാളിത്ത ബിസിനസ്സോ (Partnership Business) ഈ മേഖലയിലായി നിൽക്കുന്നവർക്കോ അനുകൂലമല്ലാത്ത ഒരു സാഹചര്യം വന്നേക്കാം. വ്യവഹാരങ്ങളിൽ ഇടപെടാനോ, ചില വഴക്ക്, വിദ്വേഷം, പിണക്കം ഇങ്ങനെയൊക്കെയുള്ള കാര്യങ്ങൾ വരാനോ സാധ്യതയുള്ള സമയമാണ്.
വീട്, വാഹനം, സ്വത്ത്, സന്താനം
വീട്, വാഹനം അങ്ങനെയുള്ള കാര്യങ്ങളുടെ അനുഭവഗുണം ഉണ്ടാകും. കാരണം ബുധൻ, ശുക്രൻ, വ്യാഴം ഈ മൂന്ന് ഗ്രഹങ്ങളും ജൂൺ മാസത്തിൽ തന്നെ 23-ാം തീയതി ആകുമ്പോൾ കർക്കടകം രാശിയിലേക്ക് വരുന്നു. അതുകൂടാതെ ചിങ്ങം രാശിയിലേക്ക് വരുന്നത് ഒക്കെ അനുകൂലമാണ്.
-
സന്താനഗുണം: അഞ്ചാം ഭാവാധിപനാണ് ബുധൻ. വ്യാഴത്തിന്റെ ബന്ധവും കൂടി വരുമ്പോൾ സന്താനങ്ങൾ സംബന്ധിക്കുന്ന, സന്താനങ്ങളുമായി ബന്ധപ്പെട്ട കാര്യങ്ങൾക്ക് അഭിവൃദ്ധി ഉണ്ടാകും. കുട്ടികൾ ഇല്ലാത്തവർക്ക് കുട്ടികളുടെ അനുഭവയോഗം വരാൻ സാധ്യതയുണ്ട്.
-
ലഗ്നാധിപൻ നിൽക്കുന്ന രാശിയുടെ ത്രികോണത്തിൽ വന്നിരിക്കുന്നതുകൊണ്ട് കുട്ടികളുടെ അനുകൂലാവസ്ഥ വരാം. കുട്ടികൾക്ക് ഉയർച്ച, പഠനസംബന്ധമായി അഭിവൃദ്ധി, തൊഴിൽപരമായ നേട്ടം എന്നിവ ഉണ്ടാകാം. അല്ലെങ്കിൽ അവർ മുഖാന്തരം ധനപരമായിട്ടുള്ള വരവ് ഇതൊക്കെ കിട്ടാനുള്ള യോഗമുണ്ട്.
-
മാതൃ-പിതൃ സ്വത്ത്: നാലും ഒൻപതും ഭാവാധിപൻ കൂടിയായ ശുക്രനാണ് കർക്കടകം രാശിയിലേക്ക് പകരുന്നത്. അത് വ്യാഴത്തിന്റെ കൂടെ സ്ഥിതി ചെയ്യുകയും ലഗ്നാധിപന്റെ ത്രികോണത്തിൽ വരികയും ചെയ്യുന്നത് കൊണ്ട് വീട്, വാഹനം മറ്റു കാര്യങ്ങൾക്ക് അനുകൂലാവസ്ഥ വരാനും, മാതൃവഴിയുള്ള സ്വത്തുഗുണം കിട്ടാനും, മാതാപിതാക്കൾക്ക് അനുകൂലമായിട്ടുള്ള അവസ്ഥ ഉണ്ടാകാനും, പിതൃവഴിയുള്ള മൂലധനമോ മറഞ്ഞുകിടക്കുന്നതോ കിട്ടാക്കിടക്കുന്നതോ ആയ ധനം വരാൻ അനുകൂലമായ ഒരു സാഹചര്യം വരുന്നു.
ആരോഗ്യപരമായ കാര്യങ്ങൾ
ആരോഗ്യപരമായി ചെറിയ ചെറിയ പ്രശ്നങ്ങൾക്ക് സാധ്യതയുണ്ട്:
-
കൊഴുപ്പ് സംബന്ധമായിട്ടുള്ള വിഷയങ്ങൾ വരാം.
-
ഉദരസംബന്ധമായിട്ടുള്ള വിഷയങ്ങൾ വരാം.
-
ഹൃദയസംബന്ധമായിട്ട്, രക്തസംബന്ധമായിട്ടുള്ള പ്രശ്നങ്ങൾ ഒക്കെ ആരോഗ്യപ്രശ്നങ്ങൾ അലട്ടിയേക്കാം.
-
വാതസംബന്ധമായിട്ടുള്ള ആരോഗ്യപ്രശ്നത്തിനും സാധ്യതയുള്ള സമയമാണ്.
പൊതുവേ കുംഭലഗ്നക്കാർക്ക് സമ്മിശ്രമായിട്ടുള്ള ഒരു അവസ്ഥയായിരിക്കും വരുന്നത്. എന്നാൽ ചൊവ്വയുടെ രാശിമാറ്റം അത്രയധികം ദോഷം ചെയ്യില്ല.
ചെറിയ പരിക്ക്, മുറിവ് അങ്ങനെയുള്ള കാര്യങ്ങളും ഹൃദയസംബന്ധമായ പ്രശ്നങ്ങളും ഉണ്ടാക്കുമെങ്കിലും കർമ്മസംബന്ധമായി പുഷ്ടി ഉണ്ടാക്കും. ദേഹസൗഖ്യക്കുറവ് ഉണ്ടായാലും കർമ്മസംബന്ധമായിട്ടുള്ള കാര്യങ്ങൾക്ക് ഗുണമുണ്ടാകും.
ഭൂമി ഇടപാടുകളും ബിസിനസ്സും
ഭൂമിയിൽ നിന്നുള്ള ലാഭം, ഭൂമി കച്ചവടം, ഭൂമിയിൽ നിന്നുള്ള വസ്തുക്കൾ വിൽപ്പന നടത്തുന്നവർക്ക് ഒക്കെ നല്ലതാണ്. ബിൽഡിംഗ് മെറ്റീരിയൽസുമായി (Building Materials) റിലേറ്റഡ് ആയിട്ടുള്ളവർക്കും, എൻജിനീയറിങ് മേഖലയുമായി ബന്ധപ്പെട്ട് നിൽക്കുന്നവർക്കും, ആയുധങ്ങളുമായി ബന്ധപ്പെട്ട് നിൽക്കുന്നവർക്കും അനുകൂലമാണ്.
ബിസിനസ്സ് നിർദ്ദേശം: പുതിയ സംരംഭം എന്തെങ്കിലും തുടങ്ങാൻ ഉദ്ദേശിക്കുന്നവർക്ക് ഒക്കെ അനുകൂലമായിട്ടുള്ള സാഹചര്യം തന്നെയാണ്. പക്ഷേ, എപ്പോഴും നമുക്ക് കുറെയേറെ ഇൻവെസ്റ്റ്മെന്റുകൾ (Investments) ഉണ്ടാകുന്ന ഒരു ബിസിനസ്സ് അല്ലെങ്കിൽ ഒരു സംരംഭം തുടങ്ങുന്നത് ആലോചിച്ചു വേണം ചെയ്യാൻ.
പാർട്ണർഷിപ്പ് ബിസിനസ്സും അത്രയധികം ചിന്തിക്കേണ്ട ആവശ്യമില്ല. ഇൻഡിവിജ്വൽ ആയിട്ട് (വ്യക്തിപരമായിട്ട്) എന്തെങ്കിലും ബിസിനസ്സ് തുടങ്ങുന്നത് ഉത്തമമായിരിക്കും.
ഈ കുംഭലഗ്നക്കാരുടെ രണ്ടാം ഭാവാധിപനും പതിനൊന്നാം ഭാവാധിപനും കൂടിയാണ് വ്യാഴം. അത് യഥാർത്ഥത്തിൽ സർവീസ് മേഖലയിൽ നിൽക്കുമ്പോഴും കർമ്മമേഖലയുമായി ബന്ധം വരുന്നതുകൊണ്ടും, രണ്ടാം ഭാവവുമായി ബന്ധം വരുന്നതുകൊണ്ടും വളരെ അനുകൂലമായിട്ടുള്ള ധനവരവ്, കർമ്മത്തിൽ കൂടിയുള്ള ധനവരവ്, സർവീസ് മേഖലയിൽ കൂടിയുള്ള ധനവരവ് എന്നിവ ഉണ്ടാകാം.
വ്യാഴത്തിന്റെ അതിചാരവും രാഹു-കേതു മാറ്റവും
വ്യാഴം അതിചാരത്തിൽ ഏഴിലേക്ക് വരുന്ന ഒരു കാലഘട്ടം വിവാഹസംബന്ധമായ കാര്യങ്ങൾക്ക് വളരെ അനുകൂലമായിട്ടുള്ള സമയമാണ്. പുതിയ ബിസിനസ്സ് തുടങ്ങാനോ പുതിയ ജോലിയിൽ പ്രവേശിക്കാനോ ഒക്കെ അനുകൂല സാഹചര്യമാണ്.
നവംബർ മാസം മുതൽ ജനുവരി 2027 വരെയുള്ള കാലഘട്ടം (ഈ ഒരു മൂന്നുമാസ കാലഘട്ടം) അതിചാരത്തിൽ വ്യാഴം വരികയും, തിരിച്ച് വ്യാഴം കർക്കടകത്തിൽ വരികയും ചെയ്യുന്ന ഒരു സാഹചര്യമാണ്. ജൂലൈ 2027 ലാണ് വ്യാഴം രാശി മാറി ചിങ്ങം രാശിയിലേക്ക് പകരുന്നത്. അതുവരെയുള്ള കാലഘട്ടം വളരെ സമ്മിശ്രമായിട്ടുള്ള അനുഭവഗുണം നൽകും.
രാഹു-കേതുക്കളുടെ സ്വാധീനം
രാഹു-കേതുക്കളുടെ രാശിമാറ്റം ഈയൊരു കാലഘട്ടത്തിൽ തന്നെ സംഭവിക്കുന്നുണ്ട്. നവംബർ മാസമൊക്കെ കഴിയുമ്പോഴേക്കും രാഹു പന്ത്രണ്ടിലേക്ക് സഞ്ചരിക്കുന്ന ഒരു സമയം വരുന്നു. കേതു ആറിലേക്കും വരുന്ന സമയമാണ്. അലർജി പോലുള്ള ആരോഗ്യപ്രശ്നങ്ങൾക്കോ, ധനപരമായിട്ട് കൂടുതൽ ചെലവ് വരാനോ (ആരോഗ്യപ്രശ്നങ്ങൾക്ക് വേണ്ടി കൂടുതൽ ചെലവ് വരാൻ) ഉള്ള ഒരു സാഹചര്യം വരുന്നു.
കേതു ആറിലേക്ക് വരുന്ന ഒരു സാഹചര്യം കൂടിയാണ്, അപ്പോൾ വ്യാഴം അവിടെ ഉള്ളതുകൊണ്ട് വലിയ ദോഷം ചിന്തിക്കേണ്ടതില്ല. എങ്കിലും അലർജി പോലുള്ള ആരോഗ്യപ്രശ്നങ്ങൾ വന്നിട്ട് അതിനുവേണ്ടി ധനച്ചെലവ് ഉണ്ടായേക്കാം, അത് ശ്രദ്ധിക്കേണ്ടതുണ്ട്.
ആ സമയത്ത് രാഹുദശയിൽ സഞ്ചരിക്കുന്ന ആളുകൾ (രാഹു പന്ത്രണ്ടിൽ കൂടി സഞ്ചരിക്കുന്ന സമയത്ത് രാഹുദശയിൽ ജീവിക്കുന്ന കുംഭലഗ്നക്കാർ) പുതിയ ഏതെങ്കിലും കൺസ്ട്രക്ഷൻ മേഖലയുമായി (Construction) ബന്ധപ്പെട്ട് എന്തെങ്കിലും പ്രവൃത്തികൾ ചെയ്യാൻ ആരംഭിക്കുന്നതൊക്കെ ആലോചിച്ചു നടത്തുന്നത് ഉത്തമമായിരിക്കും.
പരിഹാരങ്ങളും പ്രാർത്ഥനകളും
കുംഭലഗ്നക്കാർക്ക് ഈ ഒരു വർഷത്തേക്ക് വ്യാഴത്തിന്റെ രാശിമാറ്റത്തെക്കുറിച്ച് വിലയിരുത്തുമ്പോൾ താഴെ പറയുന്ന പ്രാർത്ഥനകൾ നടത്തുന്നത് ഉത്തമമായിരിക്കും:
-
വിഷ്ണുപ്രീതി: വിഷ്ണുപ്രീതി ഏറ്റവും അത്യാവശ്യമാണ്. കാരണം വ്യാഴം അനിഷ്ട ഭാവമല്ല, ആറ് ദോഷമായിട്ട് മാത്രം ചിന്തിക്കേണ്ടതില്ല എങ്കിലും രോഗസംബന്ധമായ കാര്യത്തിന്റെ ഒരു ഭാവം കൂടി ആയതുകൊണ്ട് കുറച്ചു ശ്രദ്ധിക്കേണ്ടതായിട്ട് വരുന്നു.
-
ഭദ്രകാളി പ്രീതി & ശിവപ്രീതി: ഭദ്രകാളി പ്രീതിയും അതേപോലെ ശിവന്റെ പ്രീതിയും അത്യാവശ്യമാണ്. ശിവനെ പ്രീതിപ്പെടുത്തുന്നത് ആരോഗ്യപരമായ രോഗശമനത്തിന് വേണ്ടി ഉപകരിക്കും. ദുർഗ്ഗയ്ക്ക് വഴിപാട് നടത്തിക്കൊള്ളുന്നതും ഭദ്രകാളി പ്രീതി നടത്തിക്കൊള്ളുന്നതും ഉത്തമമായിരിക്കും.
ഇളയ സഹോദര ഭാവത്തിൽ നിന്നും അനുകൂലമായിട്ടുള്ള അവസ്ഥ ഉണ്ടാകാം. അതുപോലെതന്നെ മൂത്ത സഹോദര ഭാവത്തിൽ നിന്നും അനുകൂലമായിട്ടുള്ള അവസ്ഥ ഉണ്ടാകാം. മാതാവ് വഴിയുള്ള ഭൂമിലാഭവും പിതാവ് വഴിയുള്ള ഭൂമിലാഭത്തിനും യോഗമുള്ള ആളുകൾ തന്നെയായിരിക്കും ഇവർ.
കൂടാതെ ഗവേഷണ വിദ്യ, സിവിൽ സർവീസ് പോലുള്ള ഉയർന്ന ഉദ്യോഗത്തിന് വേണ്ടി പ്രിപ്പറേഷൻ നടത്തുന്ന കുട്ടികൾക്കും അനുകൂലമായ സമയം തന്നെയാണ്.
