അമേരിക്കൻ പ്രസിഡന്റ് Donald Trump 2026 ലെ സ്റ്റേറ്റ് ഓഫ് ദ യൂണിയൻ പ്രസംഗത്തിൽ ചരിത്രത്തിലെ ഏറ്റവും ദൈർഘ്യമേറിയ അഭിസംബോധന നടത്തി. ഏകദേശം ഒരു മണിക്കൂർ 48 മിനിറ്റ് നീണ്ട പ്രസംഗത്തിൽ രാജ്യത്തിന്റെ സാമ്പത്തിക വളർച്ച, തൊഴിൽ സൃഷ്ടി, ടാരിഫ് നയം, അതിർത്തി സുരക്ഷ എന്നിവയ്ക്ക് പ്രധാന്യം നൽകി. “അമേരിക്ക ഫസ്റ്റ്” നിലപാട് ആവർത്തിച്ച ട്രംപ് ആഭ്യന്തര ഉൽപ്പാദനം ശക്തിപ്പെടുത്തുമെന്നും അനധികൃത കുടിയേറ്റം നിയന്ത്രിക്കുമെന്നും വ്യക്തമാക്കി.
ഇറാൻ ഉൾപ്പെടെയുള്ള രാജ്യങ്ങളുമായുള്ള ബന്ധം, ആഗോള സുരക്ഷാ വെല്ലുവിളികൾ തുടങ്ങിയ വിദേശകാര്യ വിഷയങ്ങളും പ്രസംഗത്തിൽ ഇടം നേടി. റിപ്പബ്ലിക്കൻ അംഗങ്ങൾ പ്രസംഗത്തെ അഭിനന്ദിച്ചപ്പോൾ, ഡെമോക്രാറ്റുകൾ ചില അവകാശവാദങ്ങളെ ചോദ്യം ചെയ്തു. 2026 മിഡ്ടേം തിരഞ്ഞെടുപ്പിനെ മുന്നിൽ കണ്ടുള്ള രാഷ്ട്രീയ തന്ത്രപ്രഖ്യാപനമായാണ് വിലയിരുത്തൽ.
