തിരുവനന്തപുരം ശ്രീകാര്യം മേഖലയിൽ സ്ഥിതിചെയ്യുന്ന സി.ഇ.ടി (College of Engineering Trivandrum) എൻജിനിയറിങ് കോളേജ് എൽപിജി ക്ഷാമവും കുടിവെള്ള പ്രതിസന്ധിയും മൂലം താൽക്കാലികമായി അടച്ചതായി അധികൃതർ അറിയിച്ചു. വിദ്യാർത്ഥികൾക്ക് ആവശ്യമായ ഭക്ഷണവും കുടിവെള്ളവും ലഭിക്കാത്ത സാഹചര്യത്തിലാണ് കോളേജിന് അവധി പ്രഖ്യാപിച്ചത്. വൈസ് ചാൻസലറുടെ നിർദേശപ്രകാരം മാർച്ച് 16 മുതൽ 19 വരെ കോളേജ് അടച്ചിടുമെന്ന് പ്രിൻസിപ്പൽ അറിയിച്ചു. കോളേജിലെ ഔദ്യോഗിക ഹോസ്റ്റലിൽ പാചകവാതകം തീർന്നതും പ്രശ്നം കൂടുതൽ രൂക്ഷമാക്കി.
ഐപിഎൽ അരങ്ങേറ്റത്തിന് മുമ്പ് വൈഭവ് സൂര്യവംശിയുടെ ധൈര്യമായ പദ്ധതി; വെളിപ്പെടുത്തി സഞ്ജു സാംസൺ
അതേസമയം തിരുവനന്തപുരം കോർപ്പറേഷൻ പരിധിയിലെ പല പ്രദേശങ്ങളിലും പൈപ്പ് ലൈൻ ചോർച്ചയെ തുടർന്ന് കുടിവെള്ള വിതരണം തടസ്സപ്പെട്ടിട്ടുണ്ട്. ഇതോടെ ഹോസ്റ്റലുകളിൽ താമസിക്കുന്ന വിദ്യാർത്ഥികൾ വലിയ ബുദ്ധിമുട്ട് നേരിട്ടതായി റിപ്പോർട്ടുകൾ പറയുന്നു. ആദ്യം കോളേജ് അടയ്ക്കാൻ അധികൃതർ തയ്യാറായിരുന്നില്ലെങ്കിലും വിദ്യാർത്ഥി യൂണിയൻ വിഷയത്തിൽ ഇടപെട്ടതോടെ അവധി പ്രഖ്യാപിക്കുകയായിരുന്നു. ഇതിനോടനുബന്ധിച്ച് ചില പരീക്ഷകളും പ്രോജക്ട് അവതരണങ്ങളും മാറ്റിവച്ചതായി കോളേജ് അധികൃതർ അറിയിച്ചു.
