ബെംഗളൂരുവിലെ ചിന്നസ്വാമി സ്റ്റേഡിയത്തിൽ ആർസിബിയുടെ വിജയാഘോഷത്തിനിടെ നടന്ന ദാരുണമായ സംഭവത്തിൽ ആർസിബിയുടെ മാർക്കറ്റിംഗ് ഉദ്യോഗസ്ഥനായ നിഖിൽ സോസാലെയും DNA എന്റർടെയിൻമെന്റ് കമ്പനിയിലെ മൂന്നു ജീവനക്കാരെയും പൊലീസ് അറസ്റ്റ് ചെയ്തു.
ഇതിനു പുറമേ, കർണാടക പൊലീസ് കമ്മീഷണർ ഉൾപ്പെടെ മൂന്ന് മുതിർന്ന പൊലീസ് ഉദ്യോഗസ്ഥരെയും സർക്കാർ സസ്പെൻഡ് ചെയ്തു. സംഭവത്തിൽ 11 പേർ മരിക്കുകയും, 50-ലധികം പേർക്ക് പരിക്കേൽക്കുകയും ചെയ്ത പശ്ചാത്തലത്തിലാണ് ശക്തമായ നടപടികൾ. ആർസിബി, KSCA, DNA എന്നിവർക്കെതിരെ ക്രിമിനൽ അനാസ്ഥക്കുറിച്ചുള്ള കേസുകളും രജിസ്റ്റർ ചെയ്തിട്ടുണ്ട്.
