ജനുവരി പത്തിനാണ് കേസിന്റെ വിചാരണ ആരംഭിച്ചത്.കഴിഞ്ഞ ജൂണ് 21 ന് അയുര്വേദ ബിരുദ വിദ്യാര്ത്ഥിനിയായ വിസ്മയയെ ഭര്തൃഗൃഹത്തില് തൂങ്ങി മരിച്ചനിലയില് കണ്ടെത്തുകയായിരുന്നു. തൊട്ടടുത്ത ദിവസം തന്നെ ഭർത്താവായ കിരണ് കുമാറിനെ പൊലീസ് അറസ്റ്റ് ചെയ്തു.വിസ്മയയുടെ അച്ഛനും സഹോദരനും നല്കിയ പരാതിയുടെ അടിസ്ഥാനത്തിലായിരുന്നു അറസ്റ്റ്.
കൂടുതല് സ്ത്രീധനം ആവശ്യപ്പെട്ട് വിസ്മയയെ നിരന്തരം ഉപദ്രവിക്കുമായിരുന്നുവെന്ന് കോടതിക്ക് മുന്നില് പ്രോസിക്യൂഷന് തെളിവ് നിരത്തി വാദിച്ചു. പ്രോസിക്യൂഷന് വേണ്ടി 42 സാക്ഷികളും 120 രേഖകളും ഫോണുകള് ഉള്പ്പടെ 12 തൊണ്ടിമുതലുകളും കോടതിയില് ഹാജരാക്കി.
വകുപ്പുതല അന്വേഷണത്തിന് ശേഷം ഗതാഗത വകുപ്പ് ഉദ്യോഗസ്ഥനായാരുന്ന കിരണ് കുമാറിനെ ജോലിയില് നിന്നും പിരിച്ചുവിട്ടിരുന്നു.
