ഐപിഎൽ 2026 സീസണിന് മുന്നോടിയായി ചെന്നൈ സൂപ്പർ കിംഗ്സിന്റെ ക്യാപ്റ്റൻസിയെ ചുറ്റിപ്പറ്റി വലിയ ചർച്ചകളാണ് നടക്കുന്നത്. സഞ്ജു സാംസൺ ടീമിൽ എത്തിയതോടെ പുതിയ നായകൻ ആകുമോ എന്ന ചോദ്യമാണ് ഉയർന്നത്. എന്നാൽ മുൻ ഇന്ത്യൻ താരം മുഹമ്മദ് കൈഫ് ഈ സാധ്യത നിഷേധിച്ചു. നിലവിൽ ക്യാപ്റ്റൻ സ്ഥാനത്ത് തുടരേണ്ടത് രുതുരാജ് ഗെയ്ക്വാഡാണെന്നാണ് അദ്ദേഹത്തിന്റെ നിലപാട്. ടീമിന്റെ സംസ്കാരവും തന്ത്രങ്ങളും ഗെയ്ക്വാഡ് നന്നായി മനസ്സിലാക്കിയിട്ടുണ്ടെന്നും കൈഫ് ചൂണ്ടിക്കാട്ടി.
ലീയോ മെസ്സി 900 ഗോളുകളുടെ നേട്ടം കൈവരിച്ചു; ഫുട്ബോൾ ചരിത്രത്തിൽ പുതിയ അധ്യായം
പുതിയ ടീമിൽ ചേർന്ന ഉടൻ സഞ്ജുവിന് ക്യാപ്റ്റൻസി നൽകുന്നത് ശരിയായ തീരുമാനമാകില്ലെന്നും, ബാറ്റിംഗും വിക്കറ്റ് കീപ്പിംഗും ഒരുമിച്ച് കൈകാര്യം ചെയ്യേണ്ട സാഹചര്യത്തിൽ അധിക സമ്മർദ്ദം ഉണ്ടാകാമെന്നും അദ്ദേഹം അഭിപ്രായപ്പെട്ടു. അതേസമയം, സഞ്ജുവിന് ഭാവിയിൽ വലിയ നേതൃത്വ സാധ്യതകളുണ്ടെന്നും കൈഫ് വിലയിരുത്തി. ഇതിനിടെ, ചെന്നൈ ടീമിൽ ഭാവിയിൽ ക്യാപ്റ്റൻസി മാറ്റം ഉണ്ടാകുമോ എന്ന ചർച്ചകളും തുടരുകയാണ്. ഇപ്പോഴത്തെ സാഹചര്യത്തിൽ ഗെയ്ക്വാഡിന് തന്നെ ടീമിന്റെ നേതൃത്വം തുടരുമെന്നാണ് സൂചന.
