വയറ്റിലും കുടലിലും ഉണ്ടാകുന്ന അപൂര്വ്വമായ ഒരു കാന്സറാണ് GIST (Gastrointestinal Stromal Tumor). ദഹനനാളത്തിന്റെ ചുമരുകളില് രൂപപ്പെടുന്ന പ്രത്യേക കോശങ്ങളില്നിന്നാണ് ഈ രോഗം ആരംഭിക്കുന്നത്. തുടക്കത്തില് വ്യക്തമായ ലക്ഷണങ്ങളില്ലാത്തതിനാല് പലപ്പോഴും രോഗം വൈകിയാണ് കണ്ടെത്തുന്നത്. വയറുവേദന, ഛര്ദ്ദി, രക്തസ്രാവം, അമിതമായ ക്ഷീണം, ഭാരക്കുറവ് തുടങ്ങിയവയാണ് സാധാരണ ലക്ഷണങ്ങള്.
ചിലരില് യാദൃശ്ചിക പരിശോധനകളിലാണ് രോഗം കണ്ടെത്തുന്നത്. ശസ്ത്രക്രിയ, ലക്ഷ്യമിട്ട മരുന്നുകള്, കീമോതെറാപ്പി എന്നിവയാണ് പ്രധാന ചികിത്സാരീതികള്. പ്രാരംഭ ഘട്ടത്തില് കണ്ടെത്തിയാല് പൂര്ണമായും നിയന്ത്രിക്കാന് സാധിക്കുമെന്നതാണ് വിദഗ്ധരുടെ അഭിപ്രായം. അതിനാല് ദീര്ഘകാലമായി തുടരുന്ന വയറുസംബന്ധമായ പ്രശ്നങ്ങളെ അവഗണിക്കാതെ ഡോക്ടറെ സമീപിക്കുന്നത് ഏറെ പ്രധാനമാണ്. നേരത്തെ കണ്ടെത്തലും ശരിയായ ചികിത്സയും ജീവന് രക്ഷിക്കാന് നിര്ണായകമാകും.
