റെയില്വേ യാത്രക്കാരുടെ ശ്രദ്ധയ്ക്ക്: നിലവില് വ്യാപകമായി ഉപയോഗിക്കുന്ന യുടിഎസ് (UTS) മൊബൈല് ആപ്പ് മാര്ച്ച് മുതല് പ്രവര്ത്തനം നിര്ത്തുമെന്ന് അധികൃതര് അറിയിച്ചു. അനിയന്ത്രിതമായ സാങ്കേതിക പ്രശ്നങ്ങളും പുതിയ സംവിധാനങ്ങളുടെ ഏകീകരണവും ലക്ഷ്യമിട്ടാണ് ഈ മാറ്റം നടപ്പാക്കുന്നത്. ഇതോടെ ട്രെയിന് ടിക്കറ്റിംഗിനായി യാത്രക്കാര് ഇനി റെയില്വണ് (RailOne) ആപ്പ് ഉപയോഗിക്കേണ്ടിവരും.
പാലക്കാട് സിപിഐഎമ്മിന് ഭീഷണിയായി വിമതനീക്കം; പുതിയ പാര്ട്ടി രൂപീകരിക്കാൻ ശ്രമം
ടിക്കറ്റ് ബുക്കിംഗ്, ക്യാന്സലേഷന്, യാത്രാ വിവരങ്ങള്, പ്ലാറ്റ്ഫോം വിശദാംശങ്ങള് തുടങ്ങിയ സേവനങ്ങള് റെയില്വണ് ആപ്പില് ലഭ്യമാകുമെന്ന് റെയില്വേ അധികൃതര് വ്യക്തമാക്കി. ഡിജിറ്റല് സേവനങ്ങള് കൂടുതല് ലളിതവും സുരക്ഷിതവുമാക്കുകയാണ് പുതിയ സംവിധാനത്തിന്റെ ലക്ഷ്യം. യാത്രക്കാര് സമയബന്ധിതമായി പുതിയ ആപ്പ് ഡൗണ്ലോഡ് ചെയ്ത് അക്കൗണ്ട് ക്രമീകരണങ്ങള് പൂര്ത്തിയാക്കണമെന്ന് നിര്ദേശം നല്കിയിട്ടുണ്ട്.
