ജമാഅത്തെ ഇസ്ലാമിയെക്കുറിച്ച് പ്രതിപക്ഷ നേതാവ് വി.ഡി. സതീശൻ നടത്തിയ പരാമർശങ്ങൾ കോൺഗ്രസ് ഹൈക്കമാൻഡ് അംഗീകരിക്കുന്നുണ്ടോയെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ ചോദിച്ചു. ജമാഅത്തെ ഇസ്ലാമിക്ക് മതരാഷ്ട്രവാദമില്ലെന്ന സതീശന്റെ പ്രസ്താവനയെയാണ് അദ്ദേഹം വിമർശിച്ചത്. സമസ്തയുടെ പ്രമേയത്തിൽ ലീഗും നിലപാട് വ്യക്തമാക്കണമെന്നും ഗോവിന്ദൻ ആവശ്യപ്പെട്ടു.
ദീപക് ജീവനൊടുക്കിയ കേസ്; പ്രതി ഷിംജിതയുടെ ജാമ്യാപേക്ഷ നാളെ പരിഗണിക്കാന് മാറ്റി
രാഷ്ട്രീയ ഇസ്ലാം അപകടകരമാണെന്നും യുവാക്കളെ വഴിതെറ്റിക്കുന്ന ചിന്തകളെ പ്രതിരോധിക്കണമെന്നും സമസ്ത വ്യക്തമാക്കിയിരുന്നു. അതേസമയം, ആന്റോ ആന്റണിക്കെതിരായ സാമ്പത്തിക ആരോപണവും ഗൗരവമുള്ളതാണെന്ന് ഗോവിന്ദൻ പറഞ്ഞു. കൂടാതെ, മാറിമാറിയുള്ള ഭരണത്തെക്കുറിച്ചുള്ള കെ. സച്ചിദാനന്ദൻന്റെ അഭിപ്രായത്തോടും പ്രതികരിച്ചു. സർക്കാർ തെറ്റുകൾ തിരുത്തി മുന്നോട്ട് പോകുമെന്നും വികസനം തുടരുമെന്നും ഗോവിന്ദൻ വ്യക്തമാക്കി.
