മധ്യപൂർവദേശത്ത് വീണ്ടും സംഘർഷഭീതിയുണർത്തി അമേരിക്കൻ പ്രസിഡന്റ് ഡോണൾഡ് ട്രംപ് നാവികപ്പടയെ മുന്നണിയിലേക്ക് അയച്ച നടപടി. സുരക്ഷാ ഭീഷണി ഉയരുന്ന പശ്ചാത്തലത്തിലാണ് അമേരിക്കൻ നാവികസേന സജ്ജമാക്കാൻ ട്രംപ് നിർദേശം നൽകിയതെന്ന് വൈറ്റ് ഹൗസ് വൃത്തങ്ങൾ അറിയിച്ചു. എന്നാൽ ഏതെങ്കിലും തരത്തിലുള്ള ആക്രമണം നടന്നാൽ അത് പ്രാദേശിക യുദ്ധമായി മാറുമെന്ന് ഇറാൻ കടുത്ത മുന്നറിയിപ്പ് നൽകി. മേഖലയിൽ നിലനിൽക്കുന്ന സംഘർഷാവസ്ഥ കൂടുതൽ വഷളാകാൻ ഇത്തരം സൈനിക നീക്കങ്ങൾ കാരണമാകുമെന്നും ഇറാൻ ആരോപിച്ചു.
ടിവികെയ്ക്ക് മൂന്ന് വയസ്; ജനങ്ങളുടെ പിന്തുണയില് ഐക്യത്തോടെ പോരാടുമെന്ന് വിജയ്
അമേരിക്കയുടെ നടപടിയെ പ്രകോപനപരമെന്ന് വിശേഷിപ്പിച്ച ഇറാൻ, സ്വന്തം പരമാധികാരവും സുരക്ഷയും സംരക്ഷിക്കാൻ ശക്തമായ തിരിച്ചടി നൽകുമെന്നും വ്യക്തമാക്കി. ഇതോടെ ഗൾഫ് മേഖലയിലെ രാജ്യങ്ങൾ ആശങ്കയോടെ സ്ഥിതിഗതികൾ നിരീക്ഷിക്കുകയാണ്. നയതന്ത്ര ശ്രമങ്ങൾ ശക്തമാക്കാതെ സൈനിക നടപടികളിലൂടെ പ്രശ്നങ്ങൾ പരിഹരിക്കാൻ ശ്രമിച്ചാൽ അതിന്റെ പ്രത്യാഘാതം ഗുരുതരമാകുമെന്ന് അന്താരാഷ്ട്ര നിരീക്ഷകരും മുന്നറിയിപ്പ് നൽകുന്നു.
