ഐപിഎൽ ഫ്രാഞ്ചൈസിയായ റോയൽ ചാലഞ്ചേഴ്സ് ബാംഗ്ലൂരിന്റെ (RCB) പ്രകടനം സമൂഹ മാധ്യമങ്ങളിൽ ആഘോഷിക്കപ്പെടുമ്പോൾ, മുൻ ഉടമയായ വിജയ് മല്യ രംഗത്തെത്തി. യുവാവായിരുന്നതിനാലും അസാധാരണമായ കഴിവ് കാണിച്ചിരുന്നതിനാലും വിരാട് കോഹ്ലിയെ ടീമിലേയ്ക്ക് എത്തിച്ചത് താനാണ് എന്നുമാണ് മല്യയുടെ അവകാശവാദം.
RCBയുടെ മികച്ച സീസണിനെയും ടീമിന്റെ വളർച്ചയെയും അനുമോദിച്ചാണ് വിജയ് മല്യ ഈ പരാമർശം നടത്തിയത്.2008-ൽ ഐപിഎൽ ആരംഭിച്ച കാലഘട്ടത്തിലാണ് കോഹ്ലി ആദ്യമായി RCB ജേഴ്സി അണിയുന്നത്, അതിന് പിന്നിൽ മല്യയുടെ വ്യക്തിപരമായ തീരുമാനമായിരുന്നുവെന്ന് അദ്ദേഹം ഓർമ്മിപ്പിച്ചു.
വിരാട് കോഹ്ലി ഇന്ന് ഇന്ത്യൻ ക്രിക്കറ്റിന്റെ മുഖമാണ്, അതിലേക്ക് എത്താനുള്ള തുടക്കത്തിൽ താൻ പങ്ക് വഹിച്ചുവെന്നുമാണ് മല്യയുടെ ഉറച്ച നിലപാട്. സോഷ്യൽ മീഡിയയിലൂടെയും കായികപ്രേമികൾ ഇതിനെക്കുറിച്ച് ചര്ച്ചചെയ്യുകയാണ്.
