ആഗസ്റ്റ് ഒന്നിന് കുതിരാന് തുരങ്കപാതയില് ഒരു ടണൽ ഗതാഗതത്തിന് തുറന്നുകൊടുക്കാനുള്ള സൗകര്യമൊരുക്കാൻ മുഖ്യമന്ത്രി പിണറായി വിജയന് നിർദേശിച്ചു. തുരങ്ക നിര്മ്മാണത്തിന്റെ പുരോഗതി വിലയിരുത്താന് ചേര്ന്ന യോഗത്തില് സംസാരിക്കുകയായിരുന്നു മുഖ്യമന്ത്രി.
ബന്ധപ്പെട്ട അനുമതികൾ നേടനായി എല്ലാ പ്രവൃത്തികളും അതിനുമുന്നേ പൂര്ത്തിയാകാണാമെന്നും മണ്സൂണ് കാലമാണെങ്കിലും പ്രവര്ത്തനം തടസ്സമില്ലാതെ മുന്നോട്ടുപോകാനുള്ള നടപടികള് സ്വീകരിക്കണമെന്നും മുഖ്യമന്ത്രി നിര്ദ്ദേശിച്ചു. മന്ത്രിമാരായ കെ. രാധാകൃഷ്ണന്, കെ.രാജന്, പി.എ. മുഹമ്മദ് റിയാസ്, പ്രൊഫ. ആര്. ബിന്ദു, പി.ഡബ്ല്യൂ.ഡി. സെക്രട്ടറി ആനന്ദ് സിംഗ്, ദേശീയപാതാ അതോറിറ്റി അധികൃതര്, നിര്മ്മാണ കമ്പനി അധികൃതര് തുടങ്ങിയവര് യോഗത്തില് പങ്കെടുത്തു.
