Harry Potter and the Sorcerer’s Stone, Harry Potter and the Chamber of Secrets എന്നീ ആദ്യ രണ്ട് ഹാരി പോട്ടർ ചിത്രങ്ങൾ സംവിധാനം ചെയ്ത ക്രിസ് കൊളംബസ്, HBO പുറത്തിറക്കാൻ പോകുന്ന ഹാരി പോട്ടർ സീരീസ് റീബൂട്ടിൽ താൻ പങ്കെടുക്കില്ലെന്ന് വ്യക്തമാക്കി. ഫ്രാഞ്ചൈസിലെ തന്റെ സംഭാവനയിൽ അഭിമാനമുണ്ടെങ്കിലും, ഇനി പുതിയൊരു ക്രിയേറ്റീവ് ടീം കഥ കൈകാര്യം ചെയ്യേണ്ട സമയമാണെന്ന് അദ്ദേഹം അഭിപ്രായപ്പെട്ടു.
കിംഗ്ഡം ഓഫ് ദ പ്ലാനറ്റ് ഓഫ് ദ ഏപ്‌സ് സീക്വൽ; അടുത്ത ഏപ്‌സ് ചിത്രത്തെക്കുറിച്ച് അറിയേണ്ടതെല്ലാം
അതേസമയം, ഹാരി പോട്ടർ പുസ്തകങ്ങളുടെ രചയിതാവായ ജെ.കെ. റൗളിംഗിനെ ചുറ്റിപ്പറ്റിയുള്ള വിവാദത്തെക്കുറിച്ചും കൊളംബസ് പ്രതികരിച്ചു. അത് “വളരെ ദുഃഖകരമായ സാഹചര്യമാണെന്ന്” അദ്ദേഹം പറഞ്ഞു. ലോകമെമ്പാടുമുള്ള കോടിക്കണക്കിന് ആരാധകരുടെ മനസ്സിൽ ഹാരി പോട്ടർ ലോകം ഇന്നും പ്രത്യേക സ്ഥാനമുള്ളതാണെന്നും, വിവാദങ്ങളെ മറികടന്ന് ഫ്രാഞ്ചൈസി ഭാവിയിലും പ്രചോദനമാകുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേർത്തു.
HBO പ്രഖ്യാപിച്ചിരിക്കുന്ന ഈ റീബൂട്ട്, ഏഴ് പുസ്തകങ്ങളെയും അടിസ്ഥാനമാക്കിയുള്ള പതിനൊന്ന് വർഷത്തോളം നീണ്ടുനിൽക്കുന്ന ഒരു സീരീസ് ആയിരിക്കും. പുതിയ താരനിരയെ ഉൾപ്പെടുത്തി നിർമാണം ഇപ്പോൾ ആരംഭ ഘട്ടത്തിലാണ്.
