രാജ്യത്തെ ജിമ്മുകളിലെ സുരക്ഷാ മാനദണ്ഡങ്ങൾ കർശനമായി പാലിക്കുന്നുണ്ടോയെന്ന് ഉറപ്പാക്കണമെന്ന് ആവശ്യപ്പെട്ട് ദേശീയ മനുഷ്യാവകാശ കമ്മീഷൻ സംസ്ഥാന സർക്കാരുകൾക്കും കേന്ദ്ര സർക്കാരിനും നോട്ടീസ് അയച്ചു. ജിമ്മുകളിൽ പരിശീലന സമയത്ത് ഉണ്ടാകുന്ന അപകടങ്ങളും ആരോഗ്യ പ്രശ്നങ്ങളും വർധിക്കുന്ന സാഹചര്യത്തിലാണ് കമ്മീഷന്റെ ഇടപെടൽ. യോഗ്യതയില്ലാത്ത ട്രെയിനർമാർ, സുരക്ഷാ ഉപകരണങ്ങളുടെ അഭാവം, മെഡിക്കൽ സഹായ സൗകര്യങ്ങളുടെ കുറവ് തുടങ്ങിയവ ഗുരുതര പ്രശ്നങ്ങളായി ഉയർന്നിട്ടുണ്ട്.
ഒമാനിൽ നിർണായക കൂടിക്കാഴ്ച; അമേരിക്ക-ഇറാൻ ചർച്ചകൾക്ക് ഇന്ന് തുടക്കം
ഇത്തരം സാഹചര്യങ്ങൾ മനുഷ്യാവകാശ ലംഘനങ്ങൾക്ക് ഇടയാക്കുന്നതായും കമ്മീഷൻ ചൂണ്ടിക്കാട്ടി. എല്ലാ ജിമ്മുകളിലും ലൈസൻസ്, യോഗ്യതയുള്ള പരിശീലകർ, അടിയന്തര ചികിത്സാ സൗകര്യങ്ങൾ എന്നിവ ഉറപ്പാക്കണമെന്ന് നിർദേശിച്ചിട്ടുണ്ട്. വിഷയത്തിൽ വിശദമായ റിപ്പോർട്ട് സമർപ്പിക്കാനും ആവശ്യമായ നടപടി സ്വീകരിക്കാനും ബന്ധപ്പെട്ട അധികൃതരോട് കമ്മീഷൻ ആവശ്യപ്പെട്ടു. ജിമ്മുകളുടെ പ്രവർത്തനം സുരക്ഷിതവും ഉത്തരവാദിത്വപരവുമാക്കുക എന്നതാണ് ഈ നടപടിയുടെ പ്രധാന ലക്ഷ്യം.
