ലിബിയൻ മുൻ ഭരണാധികാരി മുഅമർ ഗദ്ദാഫിയുടെ മകനായ സെയ്ഫ് അൽ ഇസ്ലാം ഗദ്ദാഫി കൊല്ലപ്പെട്ടതായി റിപ്പോർട്ട്. പ്രത്യേക സേനാ കമാൻഡോകൾ നടത്തിയ ആക്രമണത്തിലാണ് അദ്ദേഹത്തിന് വെടിയേറ്റതെന്നാണ് പ്രാഥമിക വിവരം. രഹസ്യ കേന്ദ്രത്തിൽ നടന്ന ഓപ്പറേഷനിലാണ് സംഭവം നടന്നതെന്നും, ലക്ഷ്യമിട്ട നീക്കത്തിന്റെ ഭാഗമായിരുന്നുവെന്നുമാണ് സൂചന. എന്നാൽ സംഭവത്തെക്കുറിച്ച് ലിബിയൻ ഭരണകൂടം ഇതുവരെ ഔദ്യോഗികമായി സ്ഥിരീകരിച്ചിട്ടില്ല.
ഗദ്ദാഫി ഭരണകൂടം തകർന്നതിന് ശേഷം നീണ്ടകാലമായി രാഷ്ട്രീയവും നിയമപരവുമായ വിവാദങ്ങളിൽപ്പെട്ട വ്യക്തിയായിരുന്നു സെയ്ഫ് അൽ ഇസ്ലാം. അദ്ദേഹത്തിന്റെ മരണം ലിബിയയിലെ രാഷ്ട്രീയ സാഹചര്യങ്ങളെ കൂടുതൽ അസ്ഥിരമാക്കാൻ ഇടയാക്കുമെന്ന ആശങ്കയും ഉയരുന്നു. സംഭവത്തിൽ അന്താരാഷ്ട്ര തലത്തിൽ ശക്തമായ പ്രതികരണങ്ങൾ ഉണ്ടാകാൻ സാധ്യതയുണ്ടെന്നാണ് വിലയിരുത്തൽ.
