മിഡിൽ ഈസ്റ്റിലെ സംഘർഷം രൂക്ഷമാകുന്നതിനിടെ ഹോർമുസ് കടലിടുക്കും റെഡ് സീയും വഴി പോകുന്ന സമുദ്രത്തിനടിയിലെ ഇന്റർനെറ്റ് കേബിളുകൾക്ക് വലിയ ഭീഷണി ഉയരുന്നുവെന്ന ആശങ്ക ശക്തമാകുന്നു. ലോകത്തിന്റെ പ്രധാന ഡാറ്റാ ട്രാഫിക്കിന്റെ വലിയൊരു പങ്ക് ഈ മേഖലകളിലൂടെ പോകുന്ന ഫൈബർ-ഓപ്റ്റിക് കേബിളുകളാണ് കൈകാര്യം ചെയ്യുന്നത്.
റെഡ് സീയിൽ മാത്രം 17-ത്തിലധികം കേബിളുകൾ യൂറോപ്പ്, ഏഷ്യ, ആഫ്രിക്ക എന്നിവിടങ്ങളെ ബന്ധിപ്പിക്കുന്ന പ്രധാന ഡിജിറ്റൽ പാതകളാണ്.
ഏഴാം പ്രസവത്തിന് പിന്നാലെ യുവതി മരിച്ചു ഭർത്താവിനെതിരെ പരാതി; തൃശൂരിൽ ദുരൂഹ സംഭവം
ഇതിനൊപ്പം ഹോർമുസ് മേഖലയിലും ഇന്ത്യ ഉൾപ്പെടെയുള്ള രാജ്യങ്ങളുടെ അന്താരാഷ്ട്ര ഇന്റർനെറ്റ് കണക്ഷനുകൾ ആശ്രയിക്കുന്ന നിരവധി കേബിളുകൾ നിലനിൽക്കുന്നു.
യുദ്ധം തുടരുന്നതിനാൽ മൈനുകളും ആക്രമണങ്ങളും കാരണം ഈ കേബിളുകൾക്ക് കേടുപാടുകൾ സംഭവിക്കുകയോ അറ്റകുറ്റപ്പണികൾ നടത്താൻ കഴിയാതാകുകയോ ചെയ്താൽ ആഗോള ഇന്റർനെറ്റ് വേഗതയും സേവനവും ബാധിക്കാം.
എന്നിരുന്നാലും, പൂർണ്ണമായ ഇന്റർനെറ്റ് ബ്ലാക്ക്ഔട്ട് സംഭവിക്കാൻ സാധ്യത കുറവാണെന്നും, പക്ഷേ വേഗത കുറയാനും കണക്ഷൻ പ്രശ്നങ്ങൾ ഉണ്ടാകാനും സാധ്യതയുണ്ടെന്നും വിദഗ്ധർ പറയുന്നു.
