റിട്ടയർഡ് ഔട്ടാക്കിയ സംഭവത്തിൽ പ്രതികരണവുമായി ഇന്ത്യൻ വനിതാ ക്രിക്കറ്റ് താരം ഹർലീൻ ഡിയോൾ രംഗത്തെത്തി. താൻ മോശമായി ബാറ്റുചെയ്തതിനാലല്ല റിട്ടയർഡ് ഔട്ട് ആയതെന്നും, ഇന്നലെയും മികച്ച രീതിയിലാണ് ബാറ്റുചെയ്തതെന്നും ഹർലീൻ വ്യക്തമാക്കി. ടീമിന്റെ തന്ത്രപരമായ തീരുമാനത്തിന്റെ ഭാഗമായാണ് ഈ നീക്കമുണ്ടായതെന്ന് അവർ പറഞ്ഞു.
മത്സര സാഹചര്യവും ടീമിന്റെ ആവശ്യകതയും കണക്കിലെടുത്താണ് തീരുമാനമെടുത്തതെന്നും, അതിനെ വ്യക്തിപരമായി കാണേണ്ടതില്ലെന്നും ഹർലീൻ കൂട്ടിച്ചേർത്തു. റിട്ടയർഡ് ഔട്ട് നിയമപരവും തന്ത്രപരവുമായ ഒരു ഓപ്ഷനാണെന്നും, ടീമിന്റെ വിജയമാണ് പ്രധാനം എന്ന നിലപാടിൽ ഉറച്ചുനിൽക്കുകയാണെന്നും താരം വ്യക്തമാക്കി.
