യുവതിയുടെ വയറ്റിൽ കണ്ടെത്തിയ 23 കിലോഗ്രാം ഭാരമുള്ള ഭീമാകാര മുഴ ശസ്ത്രക്രിയയിലൂടെ വിജയകരമായി നീക്കം ചെയ്ത് മെഡിക്കൽ സംഘം. ഏറെക്കാലമായി വയർ വീര്ക്കല്, ശ്വാസതടസ്സം, ഭക്ഷണം കഴിക്കാൻ ബുദ്ധിമുട്ട് തുടങ്ങിയ പ്രശ്നങ്ങൾ അനുഭവപ്പെട്ടിരുന്നെങ്കിലും സാധാരണ ആരോഗ്യപ്രശ്നമെന്ന നിലയിലാണ് യുവതി തുടക്കത്തിൽ അവഗണിച്ചത്. പിന്നീട് ലക്ഷണങ്ങൾ രൂക്ഷമായതോടെയാണ് വിശദമായ പരിശോധനകൾ നടത്തിയത്. സ്കാൻ പരിശോധനയിൽ വയറിനുള്ളിൽ അസാധാരണ വലുപ്പത്തിലുള്ള മുഴ കണ്ടെത്തുകയും അടിയന്തര ശസ്ത്രക്രിയ ആവശ്യമാണെന്ന് ഡോക്ടർമാർ തീരുമാനിക്കുകയും ചെയ്തു. നിരവധി മണിക്കൂറുകൾ നീണ്ട സങ്കീർണ ശസ്ത്രക്രിയയിലൂടെയാണ് മുഴ പൂർണമായും നീക്കം ചെയ്തത്. ശസ്ത്രക്രിയയ്ക്ക് ശേഷം യുവതിയുടെ ആരോഗ്യനില തൃപ്തികരമാണെന്നും വിദഗ്ധ പരിചരണത്തിൽ സുഖം പ്രാപിച്ചുവരികയാണെന്നും ആശുപത്രി അധികൃതർ അറിയിച്ചു. അപൂർവമായ ഇത്തരം കേസുകൾ സമയബന്ധിതമായി കണ്ടെത്തുകയും ചികിത്സ ഉറപ്പാക്കുകയും ചെയ്യുന്നത് അത്യന്തം നിർണായകമാണെന്ന് ഡോക്ടർമാർ വ്യക്തമാക്കി.
