കഴക്കൂട്ടത്ത് ഡ്യൂട്ടിയിലിരിക്കെ പൊലീസുകാരുടെ പരസ്യമദ്യപനം ഗുരുതര വിവാദമായി മാറിയിരിക്കുകയാണ്. മദ്യപിച്ച നിലയില് ചില ഉദ്യോഗസ്ഥര് പൊതുസ്ഥലങ്ങളില് കാണപ്പെട്ടതായും, തുടര്ന്ന് മുഖ്യമന്ത്രി പങ്കെടുക്കുന്ന ഔദ്യോഗിക പരിപാടി നടന്ന വേദിയിലേക്കും ഇവര് എത്തിയതായുമാണ് പരാതി. സംഭവത്തിന്റെ ദൃശ്യങ്ങളും വിവരങ്ങളും സാമൂഹ്യമാധ്യമങ്ങളില് വ്യാപകമായി പ്രചരിച്ചതോടെയാണ് വിഷയം പുറത്തുവന്നത്.
ജനങ്ങളുടെ സുരക്ഷ ഉറപ്പാക്കേണ്ട ഉത്തരവാദിത്തമുള്ള ഉദ്യോഗസ്ഥരില് നിന്നുണ്ടായ ഈ പെരുമാറ്റം വ്യാപക വിമര്ശനങ്ങള്ക്ക് ഇടയാക്കി. സംഭവത്തില് ഉന്നത പൊലീസ് ഉദ്യോഗസ്ഥര് അടിയന്തര റിപ്പോര്ട്ട് തേടിയതായും, കുറ്റക്കാരെന്ന് കണ്ടെത്തുന്നവര്ക്കെതിരെ കര്ശന വകുപ്പുതല നടപടി സ്വീകരിക്കുമെന്നും അധികൃതര് അറിയിച്ചു. സംഭവമാകെ പൊലീസ് വകുപ്പിന്റെ വിശ്വാസ്യതയെ തന്നെ ചോദ്യം ചെയ്യുന്നതാണെന്ന വിലയിരുത്തലാണ് ഉയര്ന്നുവരുന്നത്.
