റയല് മാഡ്രിഡ് ആരാധകര്ക്ക് അഭിമാന നിമിഷമായി, ക്ലബ്ബിന്റെ ഇതിഹാസ താരം മാര്സെലോയുടെ മകന് എന്സോ റയല് മാഡ്രിഡുമായി ഔദ്യോഗിക കരാര് ഒപ്പുവെച്ചു. അച്ഛന് വര്ഷങ്ങളോളം ഇടത് വിങ്ങില് മാഡ്രിഡിന്റെ പ്രതിരോധവും ആക്രമണവും നയിച്ച അതേ ക്ലബ്ബിലാണ് എന്സോ തന്റെ ഫുട്ബോള് യാത്ര ആരംഭിക്കുന്നത്. യുവതാരങ്ങളുടെ അക്കാദമിയിലൂടെ വളര്ന്ന എന്സോ, മികച്ച സാങ്കേതിക കഴിവും ഗെയിം ബോധവും കൊണ്ടാണ് പരിശീലകരുടെ ശ്രദ്ധ നേടിയത്. മാര്സെലോയുടെ പാത പിന്തുടരുന്ന എന്സോയുടെ ഈ മുന്നേറ്റം, റയല് മാഡ്രിഡിന്റെ ഭാവി പദ്ധതികളില് യുവതാരങ്ങള്ക്ക് നല്കുന്ന പ്രാധാന്യത്തിന്റെ കൂടി തെളിവാണ്. ആരാധകര് ഇതിനോടകം തന്നെ എന്സോയില് വലിയ പ്രതീക്ഷകളാണ് വെച്ചിരിക്കുന്നത്.
