സോഷ്യൽ മീഡിയയിൽ വൈറൽ ആവാൻ വേണ്ടി അതിരുകടന്ന പ്രവൃത്തികൾ ചെയ്യുന്നത് വീണ്ടും ചർച്ചയാകുന്ന സംഭവമാണ് ബെംഗളൂരുവിൽ ഉണ്ടായത്. ഒരു യുവതി കുടുംബാംഗങ്ങളുമായി ചേർന്ന് സ്വന്തം അച്ഛനെ ഒരു ചാക്കിൽ കയറ്റി കൂറിയർ ഓഫീസിൽ അയയ്ക്കാൻ ശ്രമിച്ചതാണ് സംഭവം. ജീവനക്കാർക്ക് സംശയം തോന്നിയതിനെ തുടർന്ന് പാഴ്സൽ തുറന്നപ്പോൾ അകത്ത് ഒരാൾ ഉണ്ടെന്നു കണ്ടതോടെ എല്ലാവരും ഞെട്ടി.
SRH ക്യാപ്റ്റൻ മാറ്റം? പാറ്റ് കമ്മിൻസ് പുറത്തേക്ക്; ട്രാവിസ് ഹെഡ് സാധ്യത ഉയരുന്നു
വീഡിയോ റീൽ ചിത്രീകരിക്കാനായിരുന്നു ഈ ‘പ്രാങ്ക്’ പദ്ധതിയെന്നാണ് കുടുംബത്തിന്റെ വിശദീകരണം. ഉത്സവകാലത്ത് യാത്രാ ടിക്കറ്റുകൾ ലഭിക്കാത്ത സാഹചര്യത്തിൽ ‘മനുഷ്യനെ കൂറിയർ ചെയ്യാം’ എന്ന ആശയം കാണിക്കാനായിരുന്നു ശ്രമമെന്നും അവർ പറഞ്ഞു. സംഭവം അപകടകരമാണെന്ന് കണ്ടെത്തിയതോടെ പൊലീസ് ഇടപെട്ടു. കുടുംബാംഗങ്ങളെ സ്റ്റേഷനിലേക്ക് കൊണ്ടുപോയി മുന്നറിയിപ്പ് നൽകി വിട്ടയക്കുകയും ചെയ്തു. സോഷ്യൽ മീഡിയ ശ്രദ്ധയ്ക്കായി ജീവൻ അപകടത്തിലാക്കുന്ന ഇത്തരം പ്രവൃത്തികൾക്കെതിരെ ശക്തമായ വിമർശനമാണ് ഉയരുന്നത്
