ശ്രീ നാരായണഗുരുവും മഹാത്മാഗാന്ധിയും തമ്മിലുള്ള ചരിത്രപ്രധാനമായ മഹാസംഗമത്തിന്റെ ശതാബ്ദിയാഘോഷത്തിന്റെ സമാപന ചടങ്ങ് ഇന്ന് കൊല്ലത്ത് നടക്കും. രാജ്യത്തിന്റെ സാമൂഹിക നവോത്ഥാന ചരിത്രത്തില് വലിയ പ്രാധാന്യമുള്ള ഈ സംഗമത്തിന്റെ 100ാം വാര്ഷികാഘോഷങ്ങളാണ് കഴിഞ്ഞ കാലയളവില് വിവിധ പരിപാടികളോടെ സംഘടിപ്പിച്ചത്. സമാപന സമ്മേളനം ലോക്സഭാ പ്രതിപക്ഷ നേതാവ് രാഹുല് ഗാന്ധി ഉദ്ഘാടനം ചെയ്യും. സാമൂഹിക ഐക്യത്തിന്റെയും സമത്വത്തിന്റെയും സന്ദേശം ഉയര്ത്തിപ്പിടിക്കുന്ന നിരവധി സാംസ്കാരിക-സാമൂഹിക പരിപാടികളും സമ്മേളനങ്ങളും ചടങ്ങിന്റെ ഭാഗമായി നടക്കും.
പരിശീലന പറക്കലിനിടെ സുഖോയ് യുദ്ധവിമാനം തകര്ന്നു; രണ്ട് പൈലറ്റുമാര്ക്ക് വീരമൃത്യു
വിവിധ മേഖലകളിലെ പ്രമുഖര്, സാമൂഹിക പ്രവര്ത്തകര്, രാഷ്ട്രീയ നേതാക്കള് എന്നിവരും ചടങ്ങില് പങ്കെടുക്കും. ശ്രീ നാരായണഗുരുവിന്റെയും മഹാത്മാഗാന്ധിയുടെയും ആശയങ്ങളും സാമൂഹിക പരിഷ്കരണ സന്ദേശവും പുതിയ തലമുറയിലേക്ക് എത്തിക്കുക എന്ന ലക്ഷ്യത്തോടെയാണ് ശതാബ്ദിയാഘോഷങ്ങള് സംഘടിപ്പിച്ചതെന്ന് സംഘാടകര് അറിയിച്ചു. ചടങ്ങിനായി കൊല്ലത്ത് വിപുലമായ ഒരുക്കങ്ങളാണ് നടത്തിയിരിക്കുന്നത്.
