വീട്ടമ്മയുടെ വയറ്റിൽ ശസ്ത്രക്രിയ ഉപകരണം കുടുങ്ങിയ സംഭവത്തിൽ പ്രതികരണവുമായി ഡോ. ഷാഹിദ രംഗത്തെത്തി. ശസ്ത്രക്രിയ നടത്തിയത് താനാണോയെന്ന് വ്യക്തമായി ഓർമയില്ലെന്നും, എന്നാൽ കേസ് ഷീറ്റിൽ തന്റെ പേരുണ്ടെങ്കിൽ താനായിരിക്കും ശസ്ത്രക്രിയ നടത്തിയതെന്നും ഡോക്ടർ വ്യക്തമാക്കി. സംഭവത്തെക്കുറിച്ച് വിശദമായ അന്വേഷണം നടക്കുന്നതിനിടെയാണ് ഈ പ്രതികരണം. ചികിത്സയുമായി ബന്ധപ്പെട്ട രേഖകളും മെഡിക്കൽ റിപ്പോർട്ടുകളും പരിശോധിച്ച ശേഷമേ വ്യക്തമായ നിഗമനത്തിലെത്താനാകൂവെന്നും അവർ പറഞ്ഞു.
‘വീണ ജോർജിനെ വീട്ടിൽ നിന്ന് പുറത്തിറങ്ങാൻ സമ്മതിക്കില്ല, വഴി തടയും’; പ്രതിഷേധവുമായി യൂത്ത് കോൺഗ്രസ്
സംഭവത്തിൽ രോഗിയുടെ കുടുംബം ഗുരുതര ആരോപണങ്ങളുമായി രംഗത്തെത്തിയിട്ടുണ്ട്. ആരോഗ്യവകുപ്പും മെഡിക്കൽ കൗൺസിലും അന്വേഷണം ആരംഭിച്ചിട്ടുണ്ട്. ആശുപത്രി അധികൃതരും ചികിത്സാ രേഖകൾ ഹാജരാക്കാൻ തയ്യാറായിട്ടുണ്ട്. നിയമപരമായി നേരിടുമെന്നും, സത്യാവസ്ഥ പുറത്തുവരുമെന്നും ഡോ. ഷാഹിദ വ്യക്തമാക്കി. കേസിന്റെ തുടർനടപടികൾ കോടതി നിരീക്ഷണത്തിലാണ്.
