‘ലോക’ സിനിമയുടെ രണ്ടാം ഭാഗത്തെക്കുറിച്ചുള്ള ആവേശം ഉയർത്തി നടി പുതിയ ഷൂട്ടിംഗ് അപ്ഡേറ്റ് പങ്കുവെച്ചു. “നീലിയുടെ കഥ ഇതോടെ അവസാനിക്കുന്നില്ല. രണ്ടാം ഭാഗത്തിലും കല്യാണി ഉണ്ടാകും,” എന്നായിരുന്നു താരത്തിന്റെ പ്രതികരണം. ആദ്യഭാഗത്തിലെ കഥാപാത്രം വലിയ സ്വീകാര്യത നേടിയ സാഹചര്യത്തിൽ തുടർഭാഗത്തിൽ കഥ കൂടുതൽ വ്യാപകമാകുമെന്ന സൂചനയാണ് ഇത് നൽകുന്നത്.
നിലവിൽ ചിത്രീകരണം പുരോഗമിക്കുകയാണെന്നും പ്രേക്ഷകർ പ്രതീക്ഷിക്കുന്നതിലേറെ ശക്തമായ അവതരണമായിരിക്കും രണ്ടാം ഭാഗമെന്നും നടി പറഞ്ഞു. സോഷ്യൽ മീഡിയയിലൂടെ പങ്കുവെച്ച പോസ്റ്റ് ആരാധകരിൽ വലിയ ചർച്ചയ്ക്കിടയാക്കി. ആദ്യഭാഗത്തിന്റെ വിജയത്തെ തുടർന്നാണ് രണ്ടാം ഭാഗം ഒരുക്കുന്നത്. കഥയിലെ ട്വിസ്റ്റുകളും കഥാപാത്രങ്ങളുടെ വികാസവും കൂടുതൽ ആഴത്തിൽ അവതരിപ്പിക്കാനാണ് സംവിധായകന്റെ ശ്രമമെന്നാണ് വിവരം.
