വാട്സ്ആപ്പ്, ഇന്സ്റ്റഗ്രാം, ഫേസ്ബുക്ക് തുടങ്ങിയ ജനപ്രിയ സോഷ്യല് മീഡിയ പ്ലാറ്റ്ഫോമുകള് പെയ്ഡ് സേവനമാക്കാനുള്ള നീക്കങ്ങള് നടക്കുന്നതായി റിപ്പോര്ട്ടുകള് സൂചിപ്പിക്കുന്നു. സൗജന്യ സേവനങ്ങള്ക്കൊപ്പം പ്രീമിയം സബ്സ്ക്രിപ്ഷന് സംവിധാനങ്ങള് വ്യാപിപ്പിക്കാനാണ് കമ്പനി ലക്ഷ്യമിടുന്നതെന്നാണ് വിവരം. പരസ്യങ്ങളില് നിന്നുള്ള വരുമാനത്തിന് പുറമെ സ്ഥിരമായ സാമ്പത്തിക സ്രോതസ് ഉറപ്പാക്കുന്നതിനാണ് ഈ മാറ്റമെന്നാണ് വിലയിരുത്തല്.
വേനല് കടുക്കുന്നു; അള്ട്രാവയലറ്റ് രശ്മികള് അപകടകരമായ നിലയില്; ഇടുക്കിയില് ഓറഞ്ച് അലേര്ട്ട്
ചില പ്രത്യേക ഫീച്ചറുകള്, പരസ്യരഹിത അനുഭവം, കൂടുതല് സുരക്ഷാ സൗകര്യങ്ങള് എന്നിവ പണം നല്കുന്ന ഉപയോക്താക്കള്ക്ക് ലഭ്യമാക്കാനാണ് സാധ്യത. എന്നാല് ഇതോടെ സാധാരണ ഉപയോക്താക്കള്ക്ക് അധിക സാമ്പത്തിക ബാധ്യത ഉണ്ടാകുമെന്ന ആശങ്കയും ഉയരുന്നുണ്ട്. ഇക്കാര്യത്തില് ഔദ്യോഗിക സ്ഥിരീകരണം ഇതുവരെ വന്നിട്ടില്ലെങ്കിലും, ഡിജിറ്റല് ലോകത്ത് വലിയ മാറ്റങ്ങള്ക്ക് ഇത് വഴിയൊരുക്കുമെന്നാണ് നിരീക്ഷകര് പറയുന്നത്.
