കണ്ണൂർ ജില്ലയിൽ നടന്ന തെയ്യം കെട്ടിനിറങ്ങുന്ന ചടങ്ങിനിടെ തെരുവുനായ്ക്കൾ അപ്രതീക്ഷിതമായി തെയ്യക്കോലത്തിന് നേരെ കുരച്ചുചാടി ആക്രമണ സ്വഭാവം കാണിച്ചതോടെ പ്രദേശത്ത് നിമിഷനേരം പരിഭ്രാന്തി പരന്നു. ചിലമ്പിന്റെ ശബ്ദവും അട്ടഹാസവും ഉയർന്നപ്പോൾ നായ്ക്കൾ കൂടുതൽ പ്രകോപിതരാകുകയായിരുന്നു. എന്നാൽ ഭയപ്പെടാതെ തെയ്യക്കോലം ആത്മവിശ്വാസത്തോടെ മുന്നോട്ട് നീങ്ങി, ചടങ്ങ് മുടങ്ങാതെ തുടരുകയായിരുന്നു.
ട്രംപിനെ വിശ്വസിക്കരുത്, യൂറോപ്യന്മാർ വഞ്ചിക്കപ്പെടും; മുന്നറിയിപ്പുമായി ഇമ്മാനുവല് മാക്രോണ്
കാണികളും ക്ഷേത്ര കമ്മിറ്റി അംഗങ്ങളും ചേർന്ന് സ്ഥിതി നിയന്ത്രണവിധേയമാക്കി. ഭാഗ്യവശാൽ ആര്ക്കും പരിക്കുകളില്ല. ഈ അപൂർവ സംഭവത്തിന്റെ ദൃശ്യങ്ങൾ സാമൂഹ്യ മാധ്യമങ്ങളിൽ വൈറലായിട്ടുണ്ട്. ജനങ്ങളുടെ വിശ്വാസത്തോടും ആചാരപരമായ ചാരുതയോടും ചേർന്ന തെയ്യത്തിന്റെ ശക്തമായ സാന്നിധ്യം വീണ്ടും തെളിയിക്കുന്ന സംഭവമായാണ് ഇതിനെ നാട്ടുകാർ വിലയിരുത്തുന്നത്.
