നീണ്ട അനിശ്ചിതത്വങ്ങൾക്കൊടുവിൽ അമേരിക്കയും ഇറാനും തമ്മിലുള്ള നിർണായക ചർച്ചകൾ ഇന്ന് ഒമാനിൽ ആരംഭിക്കും. ഇരു രാജ്യങ്ങളും തമ്മിലുള്ള ബന്ധം വർഷങ്ങളായി സംഘർഷാവസ്ഥയിലായിരിക്കെ നടക്കുന്ന ഈ കൂടിക്കാഴ്ചയ്ക്ക് വലിയ അന്താരാഷ്ട്ര പ്രാധാന്യമുണ്ട്. ആണവ കരാർ, ഉപരോധങ്ങൾ, മേഖലാ സുരക്ഷ തുടങ്ങിയ വിഷയങ്ങളാണ് പ്രധാനമായും ചർച്ചയാകുക. ചർച്ചയിൽ പങ്കെടുക്കുന്നതിനായി ഇറാൻ വിദേശകാര്യ മന്ത്രി നേരത്തെ തന്നെ ഒമാനിലെത്തി.
സഭയിൽ അക്രമ സാധ്യത; മോദിയെ വരേണ്ടെന്ന് നിർദേശിച്ചത് താനെന്ന് ഓം ബിർള
അമേരിക്കൻ പ്രതിനിധികളും ഒമാനിലെത്തി തയ്യാറെടുപ്പുകൾ പൂർത്തിയാക്കിയിട്ടുണ്ട്. മധ്യസ്ഥനെന്ന നിലയിൽ ഒമാൻ നിർണായക പങ്കാണ് വഹിക്കുന്നത്. മുൻകാല ചർച്ചകൾ പരാജയപ്പെട്ട പശ്ചാത്തലത്തിൽ ഇത്തവണ ഫലപ്രദമായ ധാരണയിലെത്താൻ കഴിയുമോയെന്നതാണ് ലോകം ഉറ്റുനോക്കുന്നത്. ചർച്ചകൾ വിജയിച്ചാൽ പശ്ചിമേഷ്യയിലെ രാഷ്ട്രീയ-സാമ്പത്തിക സാഹചര്യം മെച്ചപ്പെടുമെന്നാണ് പ്രതീക്ഷ. പരാജയപ്പെട്ടാൽ പുതിയ സംഘർഷങ്ങൾക്ക് സാധ്യതയുണ്ടെന്നും വിലയിരുത്തപ്പെടുന്നു.
