ബിജെപി നേതാവ് കെ. സുരേന്ദ്രൻ “മറ്റത്തൂർ മോഡലിൽ കേരളം ഭരിക്കും” എന്ന് പരസ്യമായി പറഞ്ഞിട്ടും അതിനെതിരെ ഒരു വാക്കുപോലും പ്രതികരിക്കാതിരുന്നുവെന്ന് ചൂണ്ടിക്കാട്ടി കോൺഗ്രസ് നേതാവ് സണ്ണി ജോസഫിനെ രൂക്ഷമായി വിമർശിച്ച് സിപിഎം സംസ്ഥാന സെക്രട്ടറി M V Govindan. ആർഎസ്എസ്–ബിജെപി അജണ്ടകളെ തുറന്നുകാട്ടാൻ പോലും തയ്യാറാകാത്ത നിലപാടാണ് സണ്ണി ജോസഫ് സ്വീകരിക്കുന്നതെന്നും, ഇത് പ്രതിപക്ഷ രാഷ്ട്രീയത്തിലെ ദൗർബല്യം വ്യക്തമാക്കുന്നതാണെന്നും ഗോവിന്ദൻ ആരോപിച്ചു. കേരളത്തിന്റെ മതനിരപേക്ഷതക്കും സാമൂഹിക ഐക്യത്തിനും ഭീഷണിയാകുന്ന പ്രസ്താവനകളോട് കോൺഗ്രസ് നേതൃത്വം മൗനം പാലിക്കുന്നതിൽ ജനങ്ങൾക്ക് ആശങ്കയുണ്ടെന്നും അദ്ദേഹം പറഞ്ഞു. ബിജെപി മുന്നോട്ടുവയ്ക്കുന്ന വികസന മാതൃകകൾ യഥാർത്ഥത്തിൽ വിഭജന രാഷ്ട്രീയത്തിന്റെ തുടർച്ച മാത്രമാണെന്നും, അതിനെ ചെറുക്കാൻ ശക്തമായ നിലപാട് സ്വീകരിക്കാൻ കോൺഗ്രസ് പരാജയപ്പെടുകയാണെന്നും സിപിഎം വിമർശിച്ചു. ഈ വിഷയത്തിൽ സണ്ണി ജോസഫിന്റെ മൗനം തന്നെ ബിജെപിക്ക് അനുകൂലമായി മാറുകയാണെന്നും ഗോവിന്ദൻ കൂട്ടിച്ചേർത്തു.
