ലോകകപ്പിന് ശേഷം ഇന്ത്യന് ടീമിലെ പരിശീലക സ്ഥാനത്ത് മാറ്റമുണ്ടാകുമോ എന്ന ചര്ച്ചകള്ക്കിടെ, ബിസിസിഐ വ്യക്തമായ വിശദീകരണവുമായി രംഗത്തെത്തി. ഗൗതം ഗംഭീര്യുടെ സ്ഥാനത്തെക്കുറിച്ച് ഇപ്പോള് യാതൊരു തീരുമാനവും എടുത്തിട്ടില്ലെന്നും, അനാവശ്യ അഭ്യൂഹങ്ങള്ക്ക് അടിസ്ഥാനമില്ലെന്നും ബിസിസിഐ വൃത്തങ്ങള് അറിയിച്ചു. ടീം മാനേജ്മെന്റിന്റെ പ്രവര്ത്തനം ലോകകപ്പിന് ശേഷം സമഗ്രമായി വിലയിരുത്തുക എന്നതാണ് നിലവിലെ നയമെന്നും അധികൃതര് വ്യക്തമാക്കി. ഫലങ്ങള്ക്കൊപ്പം ടീമിന്റെ ഭാവി പദ്ധതികളും കളിക്കാരുടെ വികസനവും ഉള്പ്പെടെ വിലയിരുത്തിയ ശേഷമേ മാറ്റങ്ങളെക്കുറിച്ച് തീരുമാനമുണ്ടാകൂ. നിലവില് ഗംഭീറിന് പൂര്ണ പിന്തുണയുണ്ടെന്നും, ശ്രദ്ധ ലോകകപ്പ് പ്രകടനത്തിലാണെന്നും ബിസിസിഐ വ്യക്തമാക്കി. ഇതോടെ കസേര തെറിക്കുമെന്ന പ്രചാരണങ്ങള്ക്ക് താല്ക്കാലിക വിരാമമായിരിക്കുകയാണ്.
