ഹെല്മറ്റ് ധരിക്കാതെ ഇരുചക്രവാഹനത്തില് യാത്ര ചെയ്തവര്ക്കെതിരെ പൊലീസ് നടത്തിയ ശക്തമായ പരിശോധനയില് ഒരാഴ്ചയ്ക്കിടെ 2,55,97,600 രൂപ പിഴ ഈടാക്കി. സംസ്ഥാനത്തിന്റെ വിവിധ ഭാഗങ്ങളിലായി 1,19,414 വാഹനങ്ങളാണ് ഈ കാലയളവില് പരിശോധിച്ചതെന്ന് പൊലീസ് അറിയിച്ചു. റോഡ് അപകടങ്ങള് വര്ധിക്കുന്ന സാഹചര്യത്തില് യാത്രക്കാരുടെ സുരക്ഷ ഉറപ്പാക്കുക എന്ന ലക്ഷ്യത്തോടെയാണ് വ്യാപക പരിശോധനകള് നടത്തിയത്.
ഹെല്മറ്റ് ഉപയോഗം ജീവന് രക്ഷിക്കാന് അത്യന്തം നിര്ണായകമാണെന്നും, നിയമലംഘനങ്ങള്ക്കെതിരെ കര്ശന നടപടി തുടരുമെന്നും അധികൃതര് വ്യക്തമാക്കി. ബോധവത്കരണത്തോടൊപ്പം നിയമനടപടികളും ശക്തമാക്കുന്നതിലൂടെ അപകടനിരക്ക് കുറയ്ക്കാനാണ് ശ്രമം. വരും ദിവസങ്ങളിലും പരിശോധനകള് തുടരുമെന്നും പൊലീസ് മുന്നറിയിപ്പ് നല്കി.
