Kerala Blasters FC വിട്ട് ഐമനും അസറും പുറത്തായതോടെ ആരാധകര് അമ്പരപ്പിലാണ്. ടീമിന്റെ ഭാവി പദ്ധതികളുടെ ഭാഗമായാണ് ഇരുവരുടെയും വിടവാങ്ങലെന്ന് ക്ലബ് വൃത്തങ്ങള് സൂചിപ്പിക്കുന്നു. സമീപകാല മത്സരങ്ങളില് ശ്രദ്ധേയ പ്രകടനം കാഴ്ചവെച്ച താരങ്ങള് ഒരുമിച്ച് ക്ലബ് വിടുന്നതാണ് ആരാധകരെ കൂടുതല് നിരാശപ്പെടുത്തുന്നത്. പുതിയ സീസണിനായി സ്ക്വാഡില് മാറ്റങ്ങള് കൊണ്ടുവരാനുള്ള തയ്യാറെടുപ്പിലാണ് മാനേജ്മെന്റ് എന്നാണു വിവരം.
അതേസമയം, ഐമന്റെയും അസറിന്റെയും അടുത്ത ക്ലബ്ബ് പ്രഖ്യാപനത്തിനായി കാത്തിരിക്കുകയാണ് ഫുട്ബോള് ലോകം. ഇരുവരും ക്ലബ്ബിന് നല്കിയ സംഭാവനകള്ക്ക് നന്ദി അറിയിച്ച് ആരാധകര് സാമൂഹ്യമാധ്യമങ്ങളില് പ്രതികരണങ്ങള് പങ്കുവെക്കുകയാണ്.
