ഹ്രസ്വ വീഡിയോകളുടെ ജനപ്രിയത കണക്കിലെടുത്ത് Netflix വെർട്ടിക്കൽ വീഡിയോ ഫോർമാറ്റ് പരീക്ഷിക്കാൻ ഒരുങ്ങുന്നു. ‘റീൽ മൂഡ്’ എന്ന ആശയത്തിന് സമാനമായ ഈ പരീക്ഷണം, മൊബൈൽ ഉപയോക്താക്കളെ കൂടുതൽ ആകർഷിക്കാനാണ് ലക്ഷ്യമിടുന്നത്. പ്ലാറ്റ്ഫോമിലുള്ള സിനിമകളിലും സീരീസുകളിലും നിന്നുള്ള ചെറുകിട ക്ലിപ്പുകൾ, വെർട്ടിക്കൽ സ്ക്രീനിന് അനുയോജ്യമായി അവതരിപ്പിക്കാനാണ് പദ്ധതി. ഇതിലൂടെ കണ്ടന്റ് കണ്ടെത്തൽ കൂടുതൽ എളുപ്പമാക്കാനും, യുവ പ്രേക്ഷകരെ പ്ലാറ്റ്ഫോമിൽ നിലനിർത്താനും നെറ്റ്ഫ്ളിക്സ് ലക്ഷ്യമിടുന്നു. ഇൻസ്റ്റഗ്രാം റീലുകളും യൂട്യൂബ് ഷോർട്സും പോലുള്ള ഹ്രസ്വ വീഡിയോ ഫോർമാറ്റുകൾ നേടിയ വിജയമാണ് ഈ നീക്കത്തിന് പ്രചോദനമെന്ന വിലയിരുത്തലുണ്ട്. പരീക്ഷണം വിജയിച്ചാൽ, ഭാവിയിൽ ഇത് സ്ഥിരം ഫീച്ചറാക്കാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു.
