വിമാനങ്ങൾ കൂട്ടത്തോടെ റദ്ദാക്കിയ സംഭവത്തിൽ IndiGoയ്ക്കെതിരെ Directorate General of Civil Aviation 22.2 കോടി രൂപ പിഴ ചുമത്തി. യാത്രക്കാർക്ക് ഉണ്ടായ വലിയ അസൗകര്യവും, പ്രവർത്തന പദ്ധതികളിലെ ഗുരുതര വീഴ്ചകളും ചൂണ്ടിക്കാട്ടിയാണ് നടപടി. ഷെഡ്യൂളിംഗ്, ക്രൂ മാനേജ്മെന്റ്, ബാക്കപ്പ് ഒരുക്കങ്ങൾ എന്നിവയിൽ ആവശ്യമായ മുൻകരുതലുകൾ എടുത്തില്ലെന്ന കണ്ടെത്തലിലാണ് പിഴ വിധിച്ചത്.
നിയമപരമായ മാർഗനിർദേശങ്ങൾ കൃത്യമായി പാലിക്കേണ്ട ഉത്തരവാദിത്തം എയർലൈൻ കമ്പനികൾക്കുണ്ടെന്നും, യാത്രക്കാരുടെ അവകാശങ്ങൾ സംരക്ഷിക്കപ്പെടണം എന്നും ഡിജിസിഎ വ്യക്തമാക്കി. സംഭവത്തിന് പിന്നാലെ ഇൻഡിഗോ ആഭ്യന്തര പരിശോധന ശക്തമാക്കിയതായും, പ്രവർത്തന സ്ഥിരത ഉറപ്പാക്കാൻ തിരുത്തൽ നടപടികൾ സ്വീകരിക്കുമെന്നും അറിയിച്ചു. ഇത്തരമൊരു സംഭവം ആവർത്തിക്കരുതെന്ന് കർശന മുന്നറിയിപ്പും അധികൃതർ നൽകി.
