ട്രെയിൻ യാത്രാക്കൂലി എങ്ങനെ നിശ്ചയിക്കപ്പെടുന്നു എന്നതുമായി ബന്ധപ്പെട്ട വിശദാംശങ്ങൾ വ്യാപാര രഹസ്യത്തിന്റെ പരിധിയിൽപ്പെടുന്നതാണെന്നും, അതിനാൽ പൊതു domain-ൽ വെളിപ്പെടുത്താനാവില്ലെന്നും ഇന്ത്യൻ റെയിൽവെ മന്ത്രാലയം വ്യക്തമാക്കി. യാത്രാക്കൂലി കണക്കാക്കുന്നത് ചെലവ്, വരുമാനം, സബ്സിഡി ഘടകങ്ങൾ, പ്രവർത്തനച്ചെലവ്, അടിസ്ഥാന സൗകര്യ പരിപാലനം തുടങ്ങിയ നിരവധി സാങ്കേതിക ഘടകങ്ങൾ പരിഗണിച്ചാണെന്നും, ഈ മാനദണ്ഡങ്ങൾ പുറത്തുവിടുന്നത് റെയിൽവെയുടെ സാമ്പത്തിക താൽപര്യങ്ങളെ ബാധിക്കുമെന്നുമാണ് മന്ത്രാലയത്തിന്റെ വിശദീകരണം. വിവരാവകാശ നിയമപ്രകാരം സമർപ്പിച്ച അപേക്ഷയ്ക്ക് നൽകിയ മറുപടിയിലാണ് മന്ത്രാലയം ഈ നിലപാട് സ്വീകരിച്ചത്. യാത്രക്കാരുടെ താൽപര്യവും റെയിൽവെയുടെ സാമ്പത്തിക സ്ഥിരതയും തമ്മിൽ സന്തുലനം പാലിച്ചാണ് നിരക്കുകൾ നിശ്ചയിക്കുന്നതെന്നും, കാലാനുസൃതമായി അവ പുനഃപരിശോധിക്കാറുണ്ടെന്നും മന്ത്രാലയം അറിയിച്ചു.
