ഇന്ത്യൻ സൂപ്പർ ലീഗിൽ (ഐഎസ്എൽ) തുടരുന്ന പ്രതിസന്ധിക്കിടെ എഫ്സി ഗോവ ഫസ്റ്റ് ടീം പ്രവർത്തനങ്ങൾ താൽക്കാലികമായി നിർത്തിവെച്ചതായി അറിയിച്ചു. ലീഗുമായി ബന്ധപ്പെട്ട ഭരണപരവും സാമ്പത്തികവുമായ അനിശ്ചിതത്വങ്ങളാണ് ഈ തീരുമാനത്തിന് കാരണമെന്നാണ് ക്ലബ് വൃത്തങ്ങൾ സൂചിപ്പിക്കുന്നത്. പരിശീലന സെഷനുകളും ടീം ക്യാംപ് പ്രവർത്തനങ്ങളും നിലവിൽ നിർത്തിവെച്ചിരിക്കുകയാണെന്നും, സ്ഥിതിഗതികൾ വ്യക്തമാകുന്നത് വരെ തുടർനടപടികൾ സ്വീകരിക്കില്ലെന്നും ക്ലബ് വ്യക്തമാക്കി. ഇന്ത്യൻ സൂപ്പർ ലീഗ്*യുടെ ഭാവിയെക്കുറിച്ചുള്ള ആശങ്കകൾ ശക്തമായ സാഹചര്യത്തിൽ, എഫ്സി ഗോവയുടെ നീക്കം ഇന്ത്യൻ ഫുട്ബോളിൽ വലിയ ചർച്ചകൾക്ക് ഇടയാക്കിയിട്ടുണ്ട്. ലീഗ് സംഘാടകരിൽ നിന്ന് വ്യക്തമായ തീരുമാനം ഉണ്ടാകുന്നത് വരെ കാത്തുനിൽക്കാനാണ് ക്ലബ്ബുകളുടെ പൊതുവായ നിലപാടെന്ന വിലയിരുത്തലാണ് ഉയരുന്നത്.
