കൃത്രിമബുദ്ധി (എഐ) സാങ്കേതികവിദ്യയുടെ വ്യാപകമായ ദുരുപയോഗം സമൂഹത്തെയും ദേശീയ സുരക്ഷയെയും ബാധിക്കുന്ന സാഹചര്യത്തിൽ, അതിനെ നിയന്ത്രിക്കാൻ അടിയന്തര നടപടി ആവശ്യപ്പെട്ട് കേന്ദ്രസർക്കാർ സോഷ്യൽ മീഡിയ പ്ലാറ്റ്ഫോമായ എക്സിന് നോട്ടീസ് അയച്ചു. വ്യാജ വിവരപ്രചരണം, ഡീപ്ഫേക്ക് ഉള്ളടക്കങ്ങൾ, നിയമവിരുദ്ധ പ്രവർത്തനങ്ങൾക്ക് എഐ ഉപയോഗിക്കുന്നത് തുടങ്ങിയ കാര്യങ്ങൾ ഗൗരവമായി പരിഗണിക്കണമെന്ന് നോട്ടീസിൽ വ്യക്തമാക്കുന്നു. രാജ്യത്തെ നിലവിലുള്ള ഐടി നിയമങ്ങളും മാർഗനിർദേശങ്ങളും കർശനമായി പാലിച്ച്, ഉപയോക്താക്കൾ സൃഷ്ടിക്കുന്ന എഐ ഉള്ളടക്കങ്ങൾക്ക് ഫലപ്രദമായ നിരീക്ഷണവും ഉത്തരവാദിത്ത സംവിധാനങ്ങളും ഉറപ്പാക്കണമെന്ന് കേന്ദ്രം ആവശ്യപ്പെട്ടു.
