തമിഴ്നാട് മന്ത്രി ഉദയനിധി സ്റ്റാലിന് സിനിമാ താരം വിജയിനെ പരോക്ഷമായി പരിഹസിച്ചു. “ഞാന് ശനിയാഴ്ച മാത്രം പുറത്തിറങ്ങുന്ന നേതാവല്ല. ജനങ്ങള്ക്കിടയില് ദിവസവും ഉണ്ടാകും” എന്നായിരുന്നു അദ്ദേഹത്തിന്റെ വാക്കുകള്. വിജയ് ആരാധകര്ക്കിടയില് വലിയ ചര്ച്ചയായ പ്രസ്താവന, നടന് രാഷ്ട്രീയത്തിലേക്ക് കടക്കാനുള്ള തയ്യാറെടുപ്പിന്റെ പശ്ചാത്തലത്തിലാണ് ഉയര്ന്നത്.
വിജയ് പലപ്പോഴും തന്റെ രാഷ്ട്രീയ പ്രവര്ത്തനങ്ങള് വാരാന്ത്യങ്ങളിലോ പ്രത്യേക ദിവസങ്ങളിലോ മാത്രം പരിമിതപ്പെടുത്തിയെന്നാണ് വിമര്ശനം. ഇതേ പശ്ചാത്തലത്തിലാണ് ഉദയനിധിയുടെ പരാമര്ശവും. “ജനങ്ങളുടെ പ്രശ്നങ്ങള് കേള്ക്കാനും പരിഹരിക്കാനും സമയം കണ്ടെത്തുന്നതാണ് യഥാര്ത്ഥ രാഷ്ട്രീയ പ്രവര്ത്തനം” എന്നും അദ്ദേഹം കൂട്ടിച്ചേര്ത്തു.
തമിഴ്നാട്ടിലെ രാഷ്ട്രീയ ചൂടുപിടുത്തത്തിനിടയില് വിജയിന്റെ പ്രവേശനം വലിയ ചര്ച്ചയായിരിക്കുകയാണ്. ഉദയനിധിയുടെ ഈ പരാമര്ശം രാഷ്ട്രീയത്തിലും ആരാധക ലോകത്തും കൂടുതല് പ്രതികരണങ്ങള്ക്കിടയാക്കുമെന്നാണ് കരുതുന്നത്.
