അമേരിക്കയിലെ മേജർ ലീഗ് സോക്കറിൽ (MLS) നടന്ന മത്സരത്തിൽ ലയണൽ മെസ്സിയും സഹതാരങ്ങളുമായുള്ള ഇന്റർ മയാമി എഫ്‌സിക്ക് കനത്ത തോൽവി നേരിട്ടു. സെൻസിനാറ്റി എഫ്‌സിയോടാണ് മയാമി 3-0 ന് പരാജയപ്പെട്ടത്.
ജൂലൈ 16-ന് നടന്ന മത്സരത്തിൽ ഇന്റർ മയാമി തങ്ങളുടെ പതിവ് പ്രകടനം പിഴച്ചതാണ് തോൽവിക്ക് പ്രധാന കാരണം.മത്സരത്തിന്റെ ആദ്യ പകുതിയിലും രണ്ടാം പകുതിയിലും സെൻസിനാറ്റി മികച്ച അക്രമണം നടത്തി. എവാൻഡർയുടെ രണ്ടും വാലൻസുവേലയുടെ ഒന്നും ഗോളുകളാണ് സെൻസിനാറ്റിയെ മുന്നിൽ കൊണ്ടുവന്നത്.
ഇതോടെ ഇന്റർ മയാമിയുടെ അഞ്ചു മത്സരങ്ങളിലൂടെയുള്ള വിജയപരമ്പര അവസാനിച്ചു.ലയണൽ മെസ്സിയുടെ പ്രകടനം പ്രതീക്ഷകൾക്കനുസൃതമാകാതിരുന്നുവെങ്കിലും, താരത്തെ തുടർച്ചയായി എല്ലാ മത്സരത്തിലും ഇറക്കുന്നത് കൊണ്ടുള്ള തളർച്ചയാണ് പ്രകടനത്തെ ബാധിച്ചതെന്ന് മയാമിയുടെ കോച്ച് ഹാവിയർ മാസ്ചെറാനോ പ്രതികരിച്ചു.
സ്കൂളിൽവെച്ച് ഷോക്കേറ്റ് വിദ്യാർഥി മരിച്ചു; അപകടം വൈദ്യുതി കമ്പിയിൽ തട്ടി
ടീമിന്റെ റിതം നഷ്ടപ്പെട്ടതും താരങ്ങളിലുണ്ടായ മനോവിഷമവുമാണ് തോൽവിക്ക് കാരണമായതെന്ന് അദ്ദേഹം വ്യക്തമാക്കി.ഇന്റർ മയാമിയുടെ അടുത്ത മത്സരം ജൂലൈ 19ന് ന്യൂയോർക്ക് റെഡ് ബുൾസിനെതിരെയായിരിക്കും. ഈ തോൽവി കടന്ന് മുന്നേറാൻ ടീമിന് ഇനി കൂടുതൽ ആസൂത്രിതവും ഉണർത്തലുള്ള പരിശീലനമാണ് ആവശ്യമായത്.
