സ്പെയിനിന്റെ യുവ ഫുട്‌ബോൾ താരമായ ലമീൻ യമാൽ തന്റെ 18ാം പിറന്നാൾ ആഘോഷം വിവാദത്തിൽ അകപ്പെട്ടിരിക്കുകയാണ്. പിറന്നാൾ പാർട്ടിക്കിടെ ഉയരം കുറവുള്ള ചില വ്യക്തികളെ തമാശയുടെ ഭാഗമായി ഉപയോഗിച്ചിരിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് സംഭവം വലിയ വിമർശനങ്ങൾക്കിടയാക്കിയത്.
പ്രത്യേക വേഷം ധരിച്ചുകൊണ്ട് ഇവർക്ക് അതിഥികളെ ‘വിനോദിപ്പിക്കാൻ’ ചുമതലപ്പെടുത്തിയതായാണ് വീഡിയോയിലുണ്ടായ ദൃശ്യം.ഇത് മാനവഗൗരവം തകർക്കുന്നതാണ് എന്നും, ബോഡി ഷെയിമിംഗ്, വംശീയ അവഗണന എന്നിവയെ ഉയർത്തിപ്പിടിക്കുന്ന പ്രവൃത്തിയാണ് എന്നും സമൂഹമാധ്യമങ്ങളിൽ നിരവധിപേർ പ്രതികരിച്ചു.
ന്യൂജേഴ്സിയിലും ന്യൂയോർക്കിലും മിന്നൽ പ്രളയം; രണ്ട് മരണം, വാഹനങ്ങൾ ഒഴുകിപ്പോയി
പലരും “ഇത് 21-ാം നൂറ്റാണ്ടാണ്” എന്ന വിശേഷണത്തോടെ യമാലിന്റെ സമീപനം വിമർശിച്ചു.
ലമീൻ യമാലിന്റെ ഇത്തരം ആഘോഷ രീതികൾ നിരവധി ആരാധകരെയും സമൂഹത്തെ നിരാശപ്പെടുത്തിയതായി വ്യക്തമാക്കുന്നു.ഇതുവരെ യമാൽ വിഷയത്തിൽ ഔദ്യോഗിക പ്രതികരണം നൽകാത്തതും വിമർശനം ശക്തമാകാൻ ഇടയാക്കി.
