യുഎഇയിലെ ഷാർജയിൽ സംഭവിച്ച മലയാളി യുവതിയായ വിപഞ്ചികയുടെ മരണവുമായി ബന്ധപ്പെട്ട് പുതിയ കോടതിവിധി പുറത്തിറങ്ങി. ആത്മഹത്യയായി റിപ്പോർട്ട് ചെയ്ത സംഭവത്തിൽ ഭർത്താവ് നിധീഷിന്റെ നിയമപരമായ അവകാശം കേന്ദ്രീകരിച്ചാണ് ഹൈക്കോടതിയുടെ ഇടപെടൽ.
ഭർത്താവാണ് മരണശേഷമുള്ള നടപടി ക്രമങ്ങളിലേക്കുള്ള കൃത്യമായ അവകാശിയെന്നും, അതിനാൽ മൃതദേഹം നാട്ടിലേക്ക് കൊണ്ടുവന്ന് സംസ്കാരക്കായി വിട്ടുകൊടുക്കണമെന്നും ഹൈക്കോടതി വ്യക്തമാക്കി.
ജൂലൈ 8നാണ് വിപഞ്ചികയും ഒരുവയസുകാരിയായ മകളും ഷാർജയിലെ താമസസ്ഥലത്ത് മരിച്ച നിലയിൽ കണ്ടെത്തിയത്. തുടർച്ചയായി വഞ്ചനയും മാനസിക പീഡനവുമാണ് ഇവരെ ആത്മഹത്യയിലേക്ക് നയിച്ചതെന്നായിരുന്നു മാതാവ് ഷൈലജയുടെ ആരോപണം.
ഇതിനെ തുടർന്ന് യു.എ.ഇയിലെ ഇന്ത്യൻ കോൺസുലേറ്റും ഇടപെട്ട് കുഞ്ഞിന്റെ ശവസംസ്കാരം അടിയന്തരമായി തടഞ്ഞിരുന്നു.മൃതദേഹം സംസ്‌കരിക്കാൻ ഭർത്താവ് നിധീഷിനാണ് നിയമപരമായ അവകാശമെന്നും അതിനാൽ അതിനോട് മുന്നോടിയായി മൃതദേഹം നാട്ടിലെത്തിക്കണമെന്നുമാണ് കോടതി വിധി.
അടുത്ത അഞ്ച് ദിവസം കേരളത്തിൽ ശക്തമായ കാലാവസ്ഥാ മാറ്റം; ഇന്ന് എല്ലാ ജില്ലകളിലും ജാഗ്രതാ മുന്നറിയിപ്പ്
വിപഞ്ചികയുടെ മരണത്തിൽ ഭർത്താവിനെയും കുടുംബത്തിനെയും പ്രതികളാക്കിയാണ് ഇപ്പോൾ പോലീസ് അന്വേഷണം തുടരുന്നത്. ഇന്ത്യൻ ശിശുസംരക്ഷണ നിയമങ്ങൾക്കു കീഴിലും, വിവാഹജീവിതത്തിൽ സ്ത്രീകളെ സംരക്ഷിക്കുന്ന നിയമങ്ങൾക്കു കീഴിലും കേസുകൾ രജിസ്റ്റർ ചെയ്തിട്ടുണ്ട്.
