ആലപ്പുഴ തീരത്ത് മുങ്ങിയ ലിബീരിയൻ കപ്പൽ MSC Elsa 3-ൽ ഉണ്ടായ അപകടത്തെ തുടർന്ന്, കേരള ഹൈക്കോടതി സർക്കാരിനോട് കപ്പലിലെ മുഴുവൻ ചരക്കുകളുടെ വിവരങ്ങൾ ജനങ്ങൾക്ക് ലഭ്യമാക്കാൻ നിർദ്ദേശിച്ചു. കപ്പലിൽ 643 കണ്ടെയ്‌നറുകൾ ഉണ്ടായിരുന്നുവെന്നും, അതിൽ 13 എണ്ണം അപകടകരമായ വസ്തുക്കൾ ഉൾക്കൊള്ളുന്നതാണെന്നും റിപ്പോർട്ടുകളുണ്ട് .
കപ്പൽ അപകടത്തെ തുടർന്ന്, തീരദേശങ്ങളിൽ പല കണ്ടെയ്‌നറുകളും ഒഴുകിയെത്തിയിട്ടുണ്ട്. ഇവയിൽ ചിലത് പൂർണ്ണമായും കേടായ നിലയിലാണ് കണ്ടെത്തപ്പെട്ടത്. ഇതോടെ, അപകടകരമായ വസ്തുക്കളുടെ ചോർച്ചയും, ഇന്ധന ചോർച്ചയും ഉൾപ്പെടെ പരിസ്ഥിതി പ്രശ്നങ്ങൾ ഉയർന്നിട്ടുണ്ട്
മത്സ്യത്തൊഴിലാളികൾക്ക് അടിയന്തര സഹായം പ്രഖ്യാപിക്കുകയും ചെയ്തു. കൂടാതെ, MSC കമ്പനിയുമായി നഷ്ടപരിഹാര ചർച്ചകൾ നടത്താൻ ഉന്നതതല സമിതിയും രൂപീകരിച്ചു .
ജനങ്ങളുടെ സുരക്ഷയും, പരിസ്ഥിതി സംരക്ഷണവും ഉറപ്പാക്കാൻ, കപ്പലിലെ മുഴുവൻ ചരക്കുകളുടെ വിശദവിവരങ്ങൾ പ്രസിദ്ധീകരിക്കണമെന്ന് ഹൈക്കോടതി സർക്കാരിനോട് ആവശ്യപ്പെട്ടു. അപകടത്തെക്കുറിച്ചുള്ള വിവരങ്ങൾ ജനങ്ങൾക്ക് ലഭ്യമാക്കുന്നത് ആശങ്കകൾ കുറയ്ക്കാനും, സുരക്ഷാ നടപടികൾ സ്വീകരിക്കാനും സഹായകരമാകും.
