ഉല്ക്കകളെ ഇടിച്ചുഗതിമാറ്റാനുള്ള നാസയുടെ പരീക്ഷണം വിജയിച്ചു. ദശലക്ഷം കിലോമീറ്റര് അകലെയുള്ള ഡൈമോര്ഫസ് ഉല്ക്കയില് നാസയുടെ ഡാര്ട്ട് പേടകം ഇടിച്ചിറങ്ങി. മണിക്കൂറില് 22000 കിലോമീറ്റര് വേഗത്തിലാണ് 9 മാസം മുന്പ് വിക്ഷേപിച്ച പേടകം ഇടിച്ചത്. ഡാര്ട്ട് ദൗത്യത്തിന്റെ ദൃശ്യങ്ങളും നാസ പുറത്തുവിട്ടു.ഡാര്ട്ട് ബഹിരാകാശ പേടകം പുലര്ച്ചെ മൂന്നരയോടെയാണ് ഇടിച്ചിറങ്ങിയത്.
ഭൂമിയെ ലക്ഷ്യമിട്ടുവരുന്ന ഉല്ക്കകളെ ഗതിതിരിച്ചു വിടാന് കഴിയുമോ എന്ന നിര്ണായക പരീക്ഷണമാണ് നാസ നടത്തിയത്. ഒന്പതുമാസം മുന്പ് ഭൂമിയില് നിന്നു പുറപ്പെട്ട ഡാര്ട്ട് പേടകം കടുകിട തെറ്റാതെ ലക്ഷ്യം കണ്ടു.
