ലിംഗസമത്വ യൂണിഫോം അടിച്ചേല്പിക്കില്ലെന്നാവര്ത്തിച്ച് വിദ്യാഭ്യാസ മന്ത്രി വി ശിവന്കുട്ടി. ഇതു സംബന്ധിച്ച സമരത്തില് നിന്ന് പിന്തിരിയണം. സര്ക്കാര് നിലപാട് സംശയങ്ങള്ക്ക് ഇടയില്ലാത്തത് ആണ്.എന്നിട്ടും ഈ വിഷയത്തില് തെറ്റിദ്ധാരണ ഉണ്ടായി എന്നും മന്ത്രി അഭിപ്രായപ്പെട്ടു.
ലിംഗസമത്വ യൂണിഫോം ഏര്പ്പെടുത്തുന്നതില് സര്ക്കാരിന് നിര്ബന്ധ ബുദ്ധിയില്ലെന്ന് വിദ്യാഭ്യാസ മന്ത്രി വി.ശിവന്കുട്ടി നേരത്തെ വ്യക്തമാക്കിയിരുന്നു. ലിംഗസമത്വ യൂണിഫോം എന്ന നിര്ദേശത്തിനെതിരെ മുസ്ലിം ലീഗ് അടക്കമുള്ളവര് രംഗത്തെത്തിയതിന് പിന്നാലെയായിരുന്നു മന്ത്രിയുടെ വിശദീകരണം. ലിംഗസമത്വ യൂണിഫോം വിഷയത്തില് ലീഗ് നേതാവ് ഡോ. എംകെ മുനീര് നടത്തിയ പരാമര്ശങ്ങള് വലിയ വിവാദമായിരുന്നു.
