ഇന്ത്യ–ബംഗ്ലാദേശ് ബന്ധം ശക്തിപ്പെടുത്തുന്നതിനായുള്ള നീക്കങ്ങളുടെ ഭാഗമായി പ്രധാനമന്ത്രി നരേന്ദ്രമോദി ബംഗ്ലാദേശ് രാഷ്ട്രീയ നേതാവ് താരിഖ് റഹ്മാനെ ഇന്ത്യ സന്ദര്ശിക്കാന് ക്ഷണിച്ചതായി റിപ്പോര്ട്ട്. ദ്വിപക്ഷ സഹകരണം, അതിര്ത്തി സുരക്ഷ, വ്യാപാര വികസനം, ജലവിഭവ പങ്കിടല് തുടങ്ങി വിവിധ വിഷയങ്ങളില് ചര്ച്ചകള് നടത്താനാണ് ക്ഷണം നല്കിയതെന്നാണ് സൂചന. ദക്ഷിണേഷ്യന് മേഖലയില് തന്ത്രപ്രധാന പങ്കാളിത്തം ശക്തമാക്കുന്നതിനും സാമ്പത്തിക സഹകരണം വര്ധിപ്പിക്കുന്നതിനും ഈ സന്ദര്ശനം സഹായകരമാകുമെന്ന് വിലയിരുത്തപ്പെടുന്നു. അടുത്തിടെ ഇരു രാജ്യങ്ങളും അടിസ്ഥാന സൗകര്യ വികസനം, റെയില്–റോഡ് കണക്റ്റിവിറ്റി, ഊര്ജ്ജ കൈമാറ്റം തുടങ്ങിയ മേഖലകളില് സഹകരണം വര്ധിപ്പിക്കാന് ശ്രമിച്ചിരുന്നു. ഔദ്യോഗിക സ്ഥിരീകരണവും സന്ദര്ശന തീയതിയും ഉടന് പ്രഖ്യാപിക്കുമെന്നാണു പ്രതീക്ഷ. രാഷ്ട്രീയ–തന്ത്രപരമായ മാറ്റങ്ങള്ക്കിടയില് നടക്കുന്ന ഈ നീക്കം ദക്ഷിണേഷ്യന് നയതന്ത്ര രംഗത്ത് ശ്രദ്ധ നേടുകയാണ്.
