ക്രിക്കറ്റ് ആരാധകരുടെ പിന്തുണ പൂര്ണമായും സഞ്ജുവിനൊപ്പമാണെന്നും വരാനിരിക്കുന്ന മത്സരങ്ങളില് ഏറ്റവും മികച്ച പ്രകടനം അദ്ദേഹത്തിനായിരിക്കും പുറത്തുവരികയെന്നും മന്ത്രി വി. അബ്ദുറഹിമാന് പറഞ്ഞു. സഞ്ജുവിന്റെ കഴിവിലും സ്ഥിരതയിലും കേരളത്തിന് വലിയ വിശ്വാസമുണ്ടെന്നും, രാജ്യത്തിനായി മികച്ച സംഭാവനകള് നല്കാനുള്ള കഴിവ് അദ്ദേഹത്തിനുണ്ടെന്നും മന്ത്രി വ്യക്തമാക്കി. പ്രതിസന്ധികളില് പോലും ആത്മവിശ്വാസം കൈവിടാതെ മുന്നേറുന്ന താരമാണ് സഞ്ജുവെന്ന് അദ്ദേഹം കൂട്ടിച്ചേര്ത്തു. കേരളത്തിലെ ക്രിക്കറ്റ് പ്രേമികള് ഒരുമിച്ച് സഞ്ജുവിനെ പിന്തുണയ്ക്കുന്നതാണ് അദ്ദേഹത്തിന്റെ ശക്തിയെന്നും, ആ പിന്തുണ മികച്ച പ്രകടനങ്ങളായി മടങ്ങിവരുമെന്നും മന്ത്രി അഭിപ്രായപ്പെട്ടു. സഞ്ജുവിന്റെ മുന്നേറ്റം യുവതലമുറയ്ക്ക് പ്രചോദനമാകുമെന്നും അദ്ദേഹം പറഞ്ഞു.
