അഞ്ച് വര്‍ഷത്തെ ഇടവേളയ്ക്കുശേഷം ഇന്ത്യയും ചൈനയും തമ്മിലുള്ള നേരിട്ടുള്ള വിമാന സര്‍വ്വീസുകള്‍ വീണ്ടും ആരംഭിക്കുന്നു. കോവിഡ്-19 മഹാമാരിയുടെ പശ്ചാത്തലത്തില്‍ 2020-ല്‍ നിര്‍ത്തിവച്ച സര്‍വ്വീസുകളാണ് ഇപ്പോള്‍ പുനഃസ്ഥാപിക്കുന്നത്. ഡല്‍ഹി, മുംബൈ മുതലായ ഇന്ത്യന്‍ നഗരങ്ങളില്‍നിന്ന് ബെയ്ജിംഗ്, ഷാങ്ഹായ് ഉള്‍പ്പെടെ ചൈനയിലെ പ്രധാന കേന്ദ്രങ്ങളിലേക്കുള്ള സര്‍വ്വീസുകള്‍ തുടങ്ങും. ഇതിലൂടെ വ്യാപാര, വിദ്യാഭ്യാസ, ടൂറിസം മേഖലകളില്‍ പുതിയ അവസരങ്ങള്‍ തുറക്കപ്പെടും. പ്രത്യേകിച്ച് വിദ്യാര്‍ത്ഥികളും ബിസിനസ് യാത്രക്കാരുമാണ് ഏറെ ഗുണം നേടുക. വിദഗ്ധര്‍ വിലയിരുത്തുന്നത്, ഈ നീക്കം ഇരുരാജ്യങ്ങളിലെയും ബന്ധങ്ങള്‍ മെച്ചപ്പെടുത്താനും സഹകരണം ശക്തിപ്പെടുത്താനും സഹായകരമാകും എന്നാണ്.
