നെറ്റ്ഫ്ലിക്‌സിൽ വൻ ഹിറ്റായ KPop Demon Hunters ഇപ്പോൾ തിയേറ്ററുകളിൽ സിംഗ്‌അലോങ് വേർഷനായി എത്തുകയാണ്. ലോകമെമ്പാടും 180 മില്യണിലധികം പ്രേക്ഷകരെ നേടിയെടുത്ത ഈ ആനിമേറ്റഡ് മ്യൂസിക്കൽ, നെറ്റ്ഫ്ലിക്‌സിലെ ഏറ്റവും കൂടുതൽ കണ്ട ആനിമേറ്റഡ് ഓറിജിനലായും, ഇംഗ്ലീഷ് ഭാഷാ ചിത്രങ്ങളിൽ രണ്ടാമതായി കണ്ട ചിത്രമായും റെക്കോർഡ് സ്വന്തമാക്കിയിരുന്നു. അതിന്റെ തുടർച്ചയായ ആഘോഷമാണ് ഇപ്പോൾ യുഎസ്, കാനഡ, യുഎക്, ഓസ്‌ട്രേലിയ, ന്യൂസിലാൻഡ് തുടങ്ങിയ രാജ്യങ്ങളിലെ തിയേറ്ററുകളിൽ നടക്കുന്നത്.
ഓഗസ്റ്റ് 23 മുതൽ 24 വരെ നടക്കുന്ന പ്രത്യേക സിംഗ്‌അലോങ് ഷോകൾക്ക് ആരാധകരിൽ നിന്ന് അമിതമായ ആവേശമാണ് ലഭിച്ചത്. 1700ത്തിലധികം തീയേറ്ററുകളിൽ ബുക്കിംഗ് നടന്നപ്പോൾ, 1000ത്തിലധികം ഷോകൾ ഇതിനോടകം തന്നെ സോൾഡ് ഔട്ട് ആയി. കെപോപ്പ് സംഗീതത്തിന്റെ തിളക്കം, ഡീമൺ ഹണ്ടിംഗ് കഥാസന്ദർഭം, ആകർഷകമായ ആനിമേഷൻ—all in one—ആയതിനാൽ പ്രേക്ഷകർക്ക് ഒരുപാട് പ്രത്യേകതയാണ്.
സൗണ്ട്‌ട്രാക്കും ലോകമെമ്പാടും ചാർട്ടുകളിൽ മുന്നിൽ തുടരുമ്പോൾ, ആരാധകർ ഇപ്പോൾ സ്വന്തം പ്രിയപ്പെട്ട ഗാനങ്ങൾ തിയേറ്ററിൽ കൂടി പാടി ആഘോഷിക്കാൻ ഒരുങ്ങുകയാണ്.
