ഒടുവിൽ കോവിഡ് എന്നെയും കണ്ടുപിടിച്ചു ; ​രോഗമുക്തനായ വിവരം പങ്കുവച്ച് ​ഗിന്നസ് പക്രു

കോവിഡ് ഭേദമായ വിവരം പങ്കുവച്ച് നടൻ ഗിന്നസ് പക്രു.

“ഒടുവിൽ കോവിഡ് എന്നെയും കണ്ടുപിടിച്ചു… ഹോസ്പിറ്റലിലെ ചികിത്സയ്ക്കും വീട്ടിലെ വിശ്രമത്തിനും ശേഷം… രോഗം ഭേദമായി. ഇനി വീണ്ടും കർമ്മരംഗത്തേയ്ക്ക്…. എല്ലാവരും പരമാവധി ശ്രദ്ധിക്കുക . മാസ്ക്ക് മാറ്റല്ലേ?? വാക്സിൻ എടുക്കുക. സേഫ് ആകുക”- എന്ന് പക്രു .

അടുത്തിടെ ഗുജറാത്തിലെ അഹമ്മദാബാദ് രാജ്യാന്തര ഫിലിം ഫെസ്റ്റിവലിൽ മികച്ച നടനുള്ള പുരസ്‌കാരം പക്രു സ്വന്തമാക്കിയിരുന്നു. ഇളയരാജ എന്ന ചിത്രത്തിലെ അഭിനയത്തിനായിരുന്നു പുരസ്‌കാരം.  തൃശൂർ റൗണ്ടിൽ കപ്പലണ്ടി വിൽപ്പനക്കാരനായ വനജനെയാണ് ഗിന്നസ് പക്രു ഇളയരാജയിൽ അവതരിപ്പിച്ചത്. വനജന്റെ അതിജീവനത്തെ കേന്ദ്രീകരിച്ചായിരുന്നു സിനിമ